Hyderabad Book Trust

కొ.కు. సూత్రీకరణకు కొనసాగింపు ...

2012-02-26T10:26:00.004+05:30

''దేవుడున్నాడా? చూపించు'' అనే నాస్తిక, హేతువాదులు గానీ, ''అడుగో గోడలో ఉన్నాడు. ఇడుగో స్తంభంలో ఉన్నాడు'' అనే ఆస్తిక, భక్తిపారాయణులుగానీ ప్రధానంగా నిరూపణవాదాన్నే ఆశ్రయిస్తూ ఉంటారు.

ఆటవిక దశ దాటని ఈశ్వరారాధకులు భగవత్‌ దర్శనం చేయించలేనట్టే, ప్రాథమిక భౌతికవాద దృష్టిని మాత్రమే కలిగిన నిరీశ్వరవాదులు తమ వాదనకు అనువుగా ప్రకృతి లీలలను ప్రదర్శించలేరు.

ఈ విషయంలో ఇరుపక్షాలూ మూర్ఖులేననేది కొడవిటిగంటి రోహిణీ ప్రసాద్‌ పరిశీలన.
భౌతిక సూత్రాలను అనుసరించి సాగే ప్రకృతి ... మానవాళికి నిదర్శనాలను చూపించాల్సిన అవసరమే లేదని, మన మంచితనం, అవగాహన, చైతన్య స్థాయిలతో దానికి పనిలేదనేది ఆయన వాదన.

భౌతిక యుద్ధంలో ప్రత్యర్థి బలంపై దెబ్బకొట్టాలనే మార్క్సిస్టు సాహిత్యకారుడు కొ.కు. సూత్రీకరణకు కొనసాగింపుగా అన్నట్టు సంక్లిష్టమైన మానవ మెదడులో దేవుడు రూపుదిద్దుకున్న క్రమాన్ని ఆయన కుమారుడు రోహిణీప్రసాద్‌ సానుభూతితో పరిశీలించి చేసిన విలువైన విశ్లేషణలతో ''మనుషులు చేసిన దేవుళ్లు'' వ్యాసాలు రూపుదిద్దుకున్నాయి.

హైదరాబాద్‌ బుక్‌ ట్రస్ట్‌ ప్రచురించిన ఈ పుస్తకంలోని 44 వ్యాసాల్లో ప్రధానంగా వైజ్ఞానిక దృష్టి కనిపిస్తుంది.

మతాన్ని సమాజ పరిణామక్రమం నుంచే గాక జీవ పరిణామక్రమం నుంచి పరిశీలించడం, చరిత్ర నుంచే కాక నాడీ వ్యవస్థ, మెదడు స్పందనల నుంచి దైవ మూలాలను వెలికి తీసేందుకు ప్రయత్నించడం వంటి పోకడల వల్ల ''తెలుగులో మరెవ్వరూ చేయని ప్రయత్నం చేశా''ననే వ్యాసకర్త మాటలకు పుష్టి చేకూరుతోంది.

అయితే మార్క్సిజానికి బయట కూడా మత విశ్లేషణ చేయొచ్చుననే ప్రతిపాదనతో బయలుదేరిన రోహిణీ ప్రసాద్‌, చాలా వ్యాసాల్లో శద్ధ భౌతికవాదిగా తేలిపోయారు. వైజ్ఞానిక కృషికి తాత్విక దృష్టిని జోడించలేకపోవడం వల్ల ఆయన కంటికి 'మతం' మసగ్గానే కనిపించిందని చెప్పక తప్పదు.

- వి. అరవింద్‌
( ఆదివారం ఆంధ్రజ్యోతి 26 ఫిబ్రవరి 2012 సౌజన్యంతో)

మనుషులు చేసిన దేవుళ్లు (వ్యాసాలు)

కొడవటిగంటి రోహిణీ ప్రసాద్‌

పేజీలు196,

వెల: రూ.100/-

వేదాల్లో ఏమున్నది?

2012-02-13T22:51:00.002+05:30

వేదాల్లో ఏమున్నది?

''దాచిపెట్టిన జ్ఞానం నిరుపయోగం కావటమే గాక ప్రజలను పీడించటానికి సాధనమవుతుంది'' అని తెలిసిన వాళ్లు చెబుతారు.
వేదాల విషయంలో ఇదే జరిగినట్లు కనబడుతుంది.
వేదాలను బ్రాహ్మలు గుత్తకు తీసుకొని,
వేదాధ్యయనానికి నిషేధాజ్ఞలు కల్పించి,
అందులో ఏమున్నదీ ఎవరికీ తెలియకుండా చేశారు.

ఈ పరిస్థితిని ఆధారం చేసుకొని కొందరు ముందుకు పోవటమంటే
భయమూ, అసహ్యమూ గల వాళ్లు,
వేదాల్లో లేనిది లేదని ప్రజలను నమ్మించ జూశారు.
...
వేదాల్లో ఏమున్నది అన్న విషయం గురించి
మనకు తెలియజెప్పిన వాళ్లు చాలా వరకు పాశ్చాత్యులు.
వాళ్లు సంస్కృతం చదువుకొని,
వేదాలు పఠించి,
అందులో ఏమున్నదీ మనకు తెలియబరచవలసిన దుస్థితి కలిగింది.
...
ఋగ్వేద రచన క్రీస్తు పూర్వం 1500-1400 ప్రాంతంలో
జరిగిందన్న అంచనాను పురాతత్వ శాస్త్రం బలపరుస్తున్నది.
ఋగ్వేదంలో 10,500 పైచిలుకు ఋక్కులున్నాయి.
కొన్ని ఋక్కులను కలిపి ఒక సూక్తం అన్నారు.
శౌనకుడు ఋగ్వేదాన్ని 10 మండలాలుగా విభజించాడు.

ఋక్కులలో (సూక్తాలలో) కొన్ని స్తోత్రాలు,
కొన్ని ప్రార్థనలు, కొన్ని మంత్రాలు, కొన్ని ఉత్తపాటలు:
'ఒకప్పుడు వాస్తవమూ, విశ్వసనీయమూ, అద్భుతమూ అయినవి,
కానీ తరచూ చపలంగానూ, పామరంగానూ, దురవగాహంగానూ కూడా వుంటాయి''
అన్నాడు మాక్స్‌ ముల్లర్‌.
...
ఋగ్వేదంలోని భాష ఆడంబరంగానూ, పాండిత్య ప్రకర్షతో కూడినదిగానూ ఉండి, తరచుగా చాలా క్లిష్టంగా కూడా ఉంటుంది.
ఋగ్వేద ఋషులు సుమారు 2000 మంది ఉండేవారట.
వారు ఎంతో శ్రద్ధగా ఋగ్వేద రచన చేశారు.
వారు తాము ఆర్యులమని, కొత్త ప్రదేశాలను జయించామనీ చెప్పుకున్నారు.
...
వేదాలు నాలుగంటారు గానీ కొందరు మూడు వేదాలనే గుర్తిస్తారు.
నన్నయ భట్టు భారతం ప్రారంభిస్తూ ''వేదత్రయ మూర్తయః త్రిపురుషాః'' అన్నాడు.
ఋగ్వేదం పోతే మిగిలిన వేదాలు సామవేదం, యజుర్వేదం, అధర్వణ వేదం.
కానీ వీటికి కూడా మూలం ఋగ్వేదంలాగనే కనిపిస్తుంది.
...
వేదాల గురించీ, ఆకాలపు మనుషులను గురించీ, తెలుసుకోవడం మనకీనాడు ఎంతైనా అవసరం. ఎందుకంటే అప్పటికీ ఇప్పటికీ జీవితంలోనూ, సమాజ స్వరూపంలోనూ ఊహించరాని మార్పులెన్నో వచ్చినా, మన సంస్కృతి అంతా ఆ వేదాల మీదనే ఆధారపడి పెరిగింది.
ఈ 20 (21)వ శతాబ్దంలో ఈ సంస్కృతిలో మౌలికమైన మార్పులు రాకపోతే మనం ప్రపంచ సంస్కృతికి వెనుకబడి ఉండటం తప్పని సరి అవుతుంది.
అందుచేత తెలిసిన వాళ్లు వేదాలను గురించి వేదకాలపు జీవితం గురించి సాధ్యమైనన్ని వాస్తవ విషయాలు ప్రజలకు తెలియజెప్పాలి.
ఈ సందర్భంలో తప్పుడు భావాలు ప్రచారంలో వుండటం అంత మంచిది కాదు.
...

వేదాల్లో ఏమున్నది ?
- కొడవటిగంటి కుటుంబరావు
పునర్ముద్రణ
పేజీలు 24, వెల: రూ.10
(అవును పది రూపాయలే)

జార్జి రెడ్డి (1947 -1972 ) జ్ఞాపకాలు ...

2012-02-03T18:11:00.004+05:30

జార్జిరెడ్డి ...
నాలుగు దశాబ్దాలు గడచినా
అతని జ్ఞాపకాలు ఇంకా పచ్చిగానేవున్నాయి
విద్యార్థి ఉద్యమానికి
వామపక్ష చైతన్యానికి
అతని పేరు ఒక నిరంతర స్ఫూర్తి
ఆ జ్ఞాపకాలను,
ఆ ఉద్యమ స్ఫూర్తిని
అక్షరబద్ధం చేయాలని ఆలస్యంగానైనా
అతని బంధు మిత్రులు సంకల్పించారు.
ఆ పుస్తక ప్రచురణ బాధ్యతను
హైదరాబాద్‌ బుక్‌ ట్రస్ట్‌ స్వీకరించింది
మీరు కూడా
అతనితో మీకున్న అనుభవాలను,
అతని గురించి మీరు విన్న విశేషాలను తెలిపిి
ఈ ప్రయత్నాన్ని విజయవంతం చేయవలసిందిగా కోరుతున్నాం.

Visit the blog on George ReddyL

http://georgereddyamarrahe.blogspot.in/2012_02_01_archive.html

.

విస్తృత చర్చకు విశేష ప్రతిపాదనలు - 'రూపంసారం: సాహిత్యంపై బాలగోపాల్‌ ' -2 ... కె.కె.రంగనాథాచార్యులు ...

2012-01-30T21:51:00.002+05:30

సాహిత్యం బాలగోపాల్‌ ప్రధాన కార్యక్షేత్రం కాదు.
కానీ సాహిత్యానికి సంబంధించిన అవగాహన, నిబద్ధత ఆయనకున్నాయి.
హక్కుల ఉద్యమాల కార్యాచరణ క్రమంలోనే సాహిత్యాన్ని మానవ అస్తిత్వంలో ముఖ్యమైన భాగంగా గుర్తించి ఉంటాడు.
రాష్ట్రంలో రోజురోజుకూ నిర్బంధం తీవ్రమవుతున్న దశలో ప్రజాతంత్ర ఉద్యమాలకే తాను ఎక్కువగా సమయం కేటాయించవలసి వచ్చిందని, అందువల్ల సాహిత్యాన్ని తన రంగంగా ఎంచుకోలేకపోయానని చెప్పుకున్నాడు.
అయినా అవకాశం, అవసరం వచ్చినప్పుడల్లా సాహిత్య సమస్యలకు స్పందిస్తూనే వచ్చాడు.

చదవండి:
''రూపం - సారం: సాహిత్యంపై బాలగోపాల్‌'' పుస్తకంపై
కె.కె.రంగనాథాచార్యులు సమీక్ష రెండో భాగం :
ఆంధ్ర జ్యోతి 'వివిధ' సాహిత్య వేదిక తేది: 30 జనవరి 2012.

.

తాత్త్విక ప్రయాణంలో సాహిత్య చర్చ - కె.కె.రంగనాథాచార్యులు ...

2012-01-23T09:08:00.002+05:30

తాత్త్విక ప్రయాణంలో సాహిత్య చర్చ - కె.కె.రంగనాథాచార్యులు ...

పోరాటాలు మద్దతు కోసం ఎదురు చూస్తున్నట్టుగానే
నడుస్తున్న చరిత్ర కథకుల కోసం ఎదురుచూస్తున్నది.
కథకులకు కొదవలేదు.
కానీ జీవితాన్ని, జీవిత సంఘర్షణలను బహుముఖంగా అర్థం చేసుకొనే సంస్కృతి లోపించిందని ఆవేదన.
అందువల్లనే నడుస్తున్న చరిత్ర, అందులో భాగమైన కథలన్నీ అ లిఖితంగానే ఉండపోయాయనే బాధ.
పోరాటమే కాదు జీవితంలోని అనేక కోణాలు సాహిత్య వస్తువు కావాలని
బాలగోపాల్‌ ఆకాంక్షించాడు....

రూపం-సారం: సాహిత్యంపై బాలగోపాల్‌
పుస్తకంపై
కె.కె.రంగనాథాచార్యులుగారి సమీక్ష
మొదటి భాగం ఇక్కడ చదవండి:

ఆంధ్రజ్యోతి సాహిత్య వేదిక వివిధ సోమవారం 23 జనవరి 2012

రూపం-సారం: సాహిత్యంపై బాలగోపాల్‌
పేజీలు : 360
ధర : రూ. 150
హైదరాబాద్‌ బుక్‌ ట్రస్ట్‌ ప్రచురణ

.

మా నాన్న బాలయ్య ... My Father Balaiah By Dr.Y.B.Satyanarayana ...

2012-01-06T08:55:00.002+05:30

అంటరాని తనం ఎలా వుంటుంది?
చాలా చేదుగా వుంటుంది.
అనుభవిస్తే కాని అర్ధం కాదు.

ఇప్పుడు అంటరానితనం చాలా వరకు తగ్గినా ఒకప్పుడు అది సమాజం లోతుల దాకా పాతుకుపోయిన దురాచారం.
అలాంటి దురాచారాన్ని అధిగమించి పైకి వచ్చిన విద్యాధికులలో వై.బి. సత్యనారాయణ ఒకరు.

అమెరికాలో ఉన్న తన మనవరాలు లాంటి వాళ్లకు ఈ చెడు నిజాలు తెలియాలనే ఉద్దేశం తో ఆయన రాసిన పుస్తకమే "మై ఫాదర్ బాలయ్య "
దానిలోని ఆసక్తి కరమైన భాగాలు మీకోసం :

ఇక్కడ క్లిక్ చేయండి : ఆంద్ర జ్యోతి 5 -1 -2012 నవ్య పేజీ

.

My Father Baliah ... The extraordinary story of a Dalit family ... By Dr.Y. B. Satyanarayana ...

2011-12-30T18:12:00.005+05:30

The extraordinary story of a Dalit family in southern India

Poised to inherit a huge tract of land gifted by the Nizam to his father, twenty-one-year-old Narsiah loses it to a feudal lord. This triggers his migration from Vangapally, his ancestral village in the Karimnagar District of Telangana – the single most important event that would free his family and future generations from caste oppression.

Years later, it saves his son Baliah from the fate reserved for most Dalits: a life of humiliation and bonded labour.

A book written with the desire to make known the inhumanity of untouchability and the acquiescence and internalization of this condition by the Dalits themselves, Y.B. Satyanarayana chronicles the relentless struggle of three generations of his family in this biography of his father.

A narrative that derives its strength from the simplicitywith which it is told, My Father Baliah is a story of great hardship and greater resilience.

My Father Baliah
By: Y. B. Satyanarayana
ISBN: 9789350290750
Cover Price: Rs. 299.00
Format: Demy Paper Back
Extent: 224 pages
On Sale: December 2011

HarperCollins India Original

Copies are also available at Hyderabad Book Trust

Please click here for a report on the book release function:
" The Hindu News "

Please click here for a review on this book:
" Mallepalli Laxmaiah, Hans India "

..

హెచ్‌బీటీ ఘంటారావం - సాక్షి సాహిత్యం పేజీ

2011-12-19T09:35:00.002+05:30

...
మేధస్సుకు పదును పెడుతూనే, విలువలకూ కళాదృష్టికీ ఆలవాలంగా ఉన్న పుస్తకాలను కొన్ని దశాబ్దాలుగా తెలుగు పాఠకుల ముందుకు తెస్తున్న హైదరాబాద్‌ బుక్‌ ట్రస్ట్‌ (హెచ్‌.బి.టి.) 2011 సంవత్సరంలో కూడా పుస్తకాల ఎంపికలో తనదైన శైలిని చూపింది.

ఈ సంవత్సరం అ లెగ్జాండర్‌ డ్యూమా విఖ్యాత నవల 'కౌంట్‌ ఆఫ్‌ మాంట్‌ క్రిస్టో' ను 'అజేయుడు' పేరుతో, విక్టర్‌ హ్యూగో నవల 'హంచ్‌బ్యాక్‌ ఆఫ్‌ నాట్ర్‌డేమ్‌' ను 'ఘంటారావం' పేరుతోనూ తెలుగులోకి తీసుకొచ్చారు. సూరంపూడి సీతారాం అనితర సాధ్యమనిపించే రీతిలో చేసిన అనువాదాలివి.

ఝల్‌కారీ బాయి కథకు అనువాదాన్ని కూడా ఈ సంవత్సరమే విడుదల చేశారు.

హెచ్‌బీటీ ప్రచురణల్లో ప్రత్యేకంగా చెప్పుకోవలసినవి డాక్టర్‌ కేశవరెడ్డి నవలలు.
ఆయన రాసిన 'స్మశానం దున్నేరు', 'ఇన్‌క్రెడిబుల్‌ గాడెస్‌', 'సిటీ బ్యూటిఫుల్‌', 'రాముడుండాడు-రాజ్యముండాది' నవలలను మళ్లీ వెలువరించింది హెచ్‌బీటీ.

వచ్చే సవత్సరం-
'ఇస్మత్‌ చుగ్తాయ్‌ కథలు',
రడ్యార్డ్‌ కిప్లింగ్‌ 'జంగిల్‌ బుక్‌',
విభూతి భూషణ్‌ బంధోపాధ్యాయ 'అపరాజితో',
దేవులపల్లి కృష్ణమూర్తి 'యాత్ర' నవలను
వెలువరించే ఆలోచనలో ఈ సంస్థ ఉంది.

- సాక్షి - సాహిత్యం 19 డిసెంబర్‌ 2011 సౌజన్యంతో

రూపం - సారం ... బాలగోపాల్‌ పుస్తకంపై 'నమస్తే తెలంగాణా' పత్రిక సమీక్ష

2011-12-18T11:01:00.004+05:30

బాలగోపాల్‌ను ప్రధానంగా రాజకీయ వ్యాఖ్యాతగా భావించేవాళ్లు ఆయన ఆలోచనల తాత్విక మూలాలు, ఆయన సాహిత్య పరిశీలనలో ఉన్నాయని గుర్తించడానికి ఈ పుస్తకం దోహదపడుతుందంటూ ప్రచురణ కర్తలు పేర్కొన్నారు.

మనిషి జీవితంపై, సమాజ జీవితంపై ప్రతి మలుపులోనూ వెలుగులు ప్రసరించి అన్ని పార్శ్వాలనూ మనకు చూపించగల శక్తి సాహిత్యానికి మాత్రమే ఉందని నమ్మిన వ్యక్తి బాలగోపాల్‌.

అటువంటి వ్యక్తి ఎంతో నిజాయితీగా వేర్వేరు సందర్భాల్లో రాసిన సమీక్షలు, వ్యాసాలు, ఇచ్చిన ఇంటర్వ్యూలు, ప్రసంగాలు, అట్లే రాసిన ముందుమాటలను ఈ పుస్తకంలో సంకలనం చేశారు. అంతేకాదు తన రూపం సారం పుస్తకానికి చేరా, కె.వి.ఆర్‌., త్రిపురనేని మధుసూధనరావులు రాసిన ముందుమాటల్ని, అదేవిధంగా బాలగోపాల్‌ రాసిన ఆంగ్ల వ్యాసాల్ని కూడా ఈ పుస్తకంలో అనుబంధాలుగా చేర్చారు.

కె. శ్రీనివాస్‌ ఈ పుస్తకానికి ముందుమాట రాస్తూ కె. బాలగోపాల్‌ విమర్శకుడిగా, సిద్ధాంతకర్తగా లభించడం తెలుగు సాహిత్యానికి చరిత్ర కల్పించిన ఒక అపురూపమైన అవకాశం అన్నాడు. అయితే, విప్లవ శిబిరమే కాదు, ఆ స్రవంతికి సమాంతరంగా వర్థిల్లిన గుర్తింపు ఉద్యమాలు సైతం బాలగోపాల్‌ నుంచి మద్దతు స్వీకరించి నంతగా , ఆయన ఆలోచనలను తీసుకోలేదు. ఫలితంగా ఆయన సాహిత్య వ్యక్తిత్వం ఒక తరం వారికి పెద్దగా పరిచయమే కాలేదు. ఆయన రచనలన్నింటినీ ఒక క్రమంగా అధ్యయనం చేసి, అర్థం చేసుకోవడానికి ఆయన నిష్క్రమణతో అవకాశం కలగడమే విషాదం అన్నారు . అది పూర్తిగా నిజం.

ఈ పుస్తకం సాహిత్యాన్ని బాలగోపాల్‌ తన కార్యరంగంగా ఎంచుకోదని, సాధికారంగా వ్యాఖ్యానించడానికి తగినంతగా తెలుగు సాహిత్యాన్ని చదవలేదని, తాను రాసిన వ్యాసాలు సమగ్రం కావని బాలగోపాలే అనేక సందర్భాల్లో అన్నప్పటికీ సాహిత్యానికి ఆయన వ్యక్తిగత, ప్రజా జీవితంలో ప్రత్యేక స్థానం ఉన్నది. తాత్విక విశ్వాసంగా తాను అప్పటిదాకా భావిస్తూ వచ్చిన మార్క్సిజం పట్ల వున్న అసంతృప్తిని వ్యక్తం చేసిన సందర్భమూ, తాను మొదలుపెట్టిని తాత్విక అన్వేషణ ఒక కొలిక్కి వచ్చిందని, తనకు సంతృప్పినిచ్చే ప్రాపంచిక దృక్పథం లభించిందని ప్రకటించిన సందర్భమూ సాహిత్య అవగాహన, వివేచన, మీమాంస అన్నీ కూడా ఈ వ్యాసాలనుంచి అందిపుచ్చుకోవడం ప్రజా జీవితంలో ఉన్న పాఠకులందరికీ అత్యంత అవసరం, అవశ్యం.

యండమూరి తులసీదళం నుంచి అలెక్స్‌ హేలీ రూట్స్‌ నవల దాకా మాభూమి నుంచి శంకరాభరణం దాకా, ఇంకా చెప్పాలంటే అటెన్‌బరో గాంధీ దాకా బాలగోపాల్‌ నిశిత పరిశీలనతో చేసిన సమీక్షలు, వ్యాసాలూ ప్రతీ అంశాన్ని సీరియస్‌గా లోతుగా తరచి చూడాల్సిన అవసరాన్ని గుర్తుచేస్తాయి. సామాన్య పాఠకులనూ లోతైన అధ్యయనానికి ప్రేరేపిస్తాయి.

- ( నమస్తే తెలంగాణా ఆదివారం బతుకమ్మ 11 డిసెంబర్ 2011 సౌజన్యంతో )

రూపం-సారం
సాహిత్యం పై బాలగోపాల్‌

339 పేజీలు, వెల: రూ.150

ప్రతులకు, వివరాలకు:

హైదరాబాద్‌ బుక్‌ ట్రస్ట్‌

ప్లాట్‌ నెం. 85, బాలాజీ నగర్‌,

గుడిమల్కాపూర్‌, హైదరాబాద్‌-500 067

ఫోన్‌: 040-2352 1849

ఇమెయిల్‌ : hyderabadbooktrust@gmail.com

గౌరి, గణపతి చారిత్రక, సామాజిక పరిణామ వ్యాసాలు -పురాణం సుబ్రహ్మణ్యశర్మ

2011-12-08T17:41:00.001+05:30

గౌరి, గణపతి

చారిత్రక, సామాజిక పరిణామ వ్యాసాలు

-పురాణం సుబ్రహ్మణ్యశర్మ

...

ఆదిమ ఆటవిక సమాజంలో ఉండే మాత్రృస్వామిక వ్యవస్థ, గణ వ్యవస్థల గురించి, తంత్ర శాస్త్ర రహస్యాలను గురించి దేవిప్రసాద్‌ ఛటోపాధ్యాయ రాసిన 'లోకాయత' అనే గ్రంథం ఆధారంగా పురాణం సుబ్రహ్మణ్యశర్మ తెలుగులో రచించిన వ్యాసాలు ఇవి.

మన సమాజం పూర్వ చరిత్రను మనం సక్రమంగా అర్థం చేసకోటానికి ఈ వ్యాసాలు తోడ్పడతాయి. నేడు ఇంటింటా, ఊరూరా పూజలందుకుంటున్న గౌరి, గణపతి వంటి మూర్తుల మూలాలను చారిత్రకంగా సామాజికంగా అన్వేషించే విశేష కృషి ఈ వ్యాసాల్లో కనబడుతుంది.

పురాణం సుబ్రహ్మణ్యశర్మ (1929-1996) సుప్రసిద్ధ పాత్రికేయులు. కథా నవలా రచయితగా, వ్యాసకర్తగా, విమర్శకుడిగా, జీవిత చరిత్రకర్తగా సుబ్రహ్మణ్యశర్మ తెలుగు పాఠకులకు సుపరిచితులు. సత్య తత్వాన్వేషణ దృష్టి, సున్నిత హాస్యం మొహమాటంలేని సూటిదనం వీరి రచనల్లో కనిపించే సుగుణాలు.

ఈ పుస్తకంలోని కొన్ని శీర్షికలు:

1. ఆదిమ ఆటవిక సమాజంలో స్త్రీ స్వామ్యం

2. మాతృస్వామికమా? పితృస్వామికమా?ఏదిముందు

3. వైదిక ప్రజల తేజోమయ కవితా కల్పన పురుషసూక్తం

4. గణపతి చేతిలో దానిమ్మ పండు రహస్యం

5. స్త్రీస్వామిక వ్యవస్థపై ఆర్య వైదిక సమాజం దాడి

6. వామాచారం తంత్రశాస్త్ర రహస్యాలు

7. బౌద్ధ తంత్రం బౌద్ధ మతానికి వ్యతిరేకం

8. గణపతి

9. వేదాలలోని గణాలు, గణపతులు

10. మొట్టమొదటి సాంఘిక విప్లవం

గౌరి, గణపతి

చారిత్రక, సామాజిక పరిణామ వ్యాసాలు

-పురాణం సుబ్రహ్మణ్యశర్మ

81 పేజీలు, వెల : రూ.30

A Gardener in the Wasteland - Jotiba Phule’s Fight for Liberty

2011-12-02T09:25:00.007+05:30

A Gardener in the Wasteland

Jotiba Phule’s Fight for Liberty

STORY : SRIVIDYA NATARAJAN

ART : APARAJITA NINAN

Rs 220 | 128 pages | 7 in x 9.5 in | ISBN 9788189059460

PHULE’S 1873 WORK COMES TO LIFE

JOTIRAO GOVINDRAO PHULE wrote Slavery (Gulamgiri)•a scathing and witty attack on brahmanism and the slavery of India’s ‘lower’ castes that it engendered.

Unlike Indian nationalists, Phule (1827- 1890) saw the British as people who could tame the local elite•the brahmans who wielded power simply on the basis of birth. Inspired by Thomas Paine’s Rights of Man and the ideals of Enlightenment philosophers, Phule mounted a critique of the vedas as idle fantasies of the Brahman mind. With the objective of liberating the sudras and atisudras, he founded the Satyashodak Samaj (Society of Truthseekers).

Phule dedicated Slavery ‘to the good people of the United States as a token of admiration for their sublime, disinterested and self-sacrificing devotion in the cause of Negro Slavery.’ Written in the form of a dialogue between Dhondiba and Jotiba•reminiscent of Buddha’s suttas, of Socrates’ dialogues•Slavery traces the history of brahman domination in India, and examines the motives for and objectives of the cruel and inhuman laws framed by the brahmans.

This revolutionary text remains relevant today, and given Phule’s rather graphic imagination lends itself almost naturally to graphic art. SRIVIDYA NATARAJAN and APARAJITA NINAN also weave in the story of Savitribai, Jotiba’s wife and partner in his struggles, who started a school for girls in Pune in 1848, despite social opprobrium.

This is perhaps the first time that a historical work of nonfiction has been interpreted as a graphic book in India.

Srividya Natarajan trained as a Bharatanatyam dancer, and has illustrated books for children. She is the author of the novel, No Onions Nor Garlic (2006), a comic satire on caste, and Bhimayana (2011), the graphic biography of Dr B.R. Ambedkar. Born in Chennai, India, she now lives in London, Canada, where she teaches English and Creative Writing at King’s University College.

Aparajita Ninan worked as a design intern with Navayana in 2009-10 towards a graphic book on Phule’s Slavery. This is her first book. She lives in New Delhi.

Available in leading bookstores including HYDERABAD BOOK TRUST from 1 Dec 2011

Distributed by

IPD Alternatives:

35A/1 Shahpur Jat, New Delhi 110049

Ph: +91-11-26492040/ 26495016.

Email: ipd.alternatives@gmail.com

Buy online from www.swb.co.in and from Flipkart.com

www.navayana.org

HYDERABAD BOOK TRUST

Plot No.85, Balaji Nagar,

Gudi Malkapur, Hyderabad - 500067

Phone: 040 2352 1849

హైదరాబాద్ బుక్ ట్రస్ట్ ఈ పుస్తకాన్ని త్వరలో తెలుగులో ప్రచురించబోతోంది

"వీరనారి ఝాన్సీ ఝల్కారీ బాయి" సౌదా అరుణ వ్యాసం

2011-11-22T09:25:00.003+05:30

...

మన దేశం లో అగ్ర కుల రచయితలూ, చరిత్ర కారులూ రాజుల మెప్పుకోసం పాకులాడారే తప్ప ప్రజా జీవితాన్నీ, ప్రజా చరిత్రనూ వాస్తవిక రీతిలో చిత్రించేందుకు ఎన్నడూ ప్రయత్నించలేదు. దళిత వీరుల వీరనారీమనుల వైపు కన్నెత్తి చూసిన పాపాన కూడా పోలేదు. అందుకే బుందేల్ ఖండ్ (ఉత్తర ప్రదేశ్ కు ) చెందిన దళిత వీరనారి ఝాన్సీ ఝల్కారీ బాయి (1830 -1890 ) సాహస గాధ చరిత్ర పుటలకెక్కకుండా పోయింది.

దళిత అంశాలపై హిందీలో విస్తృతంగా రచనలు చేస్తున్న మోహన్ దాస్ నైమిష్ రాయ్ ఇటీవల ఎంతో పరిశోధించి ఆమె జీవిత చరిత్రను గ్రంధస్తం చేసారు. డా. జీ. వీ. రత్నాకర్ అనువదించిన పుస్తకాన్ని హైదరాబాద్ బుక్ ట్రస్ట్ "వీరనారి ఝాన్సీ ఝల్కారీ బాయి" పేరిట ప్రచురించిన విషయం విదితమే.

ఈ పుస్తకం తెలుగు పాఠకులను కూడా విశేషంగా ఆకట్టుకుంటోంది. మరుగునపడ్డ ఝల్కారీ బాయి జీవిత చరిత్ర పై దేశ వ్యాప్తంగా విస్తృతంగా చర్చ జరుగుతోంది.

ఈ క్రమంలో " సమాంతర వాయిస్ " మాస పత్రిక నవంబర్ 2011 సంచికలో సౌదా అరుణ గారు ఒక వ్యాసం రాసారు.

సమాంతర సౌజన్యంతో ఆ వ్యాసం పీ డీ ఎఫ్ ఫైలు రూపం లో ఇక్కడ పొందు పరుస్తున్నాము.

దిగువ టైటిల్ పై క్లిక్ చేయండి.

..... " ఝాల్కారీ బాయి కోరీ "

సమాంతర పత్రిక కోసం ఈ కింది చిరునామాలో సంప్రదించవచ్చు :

Samaantara Voice, 11-6-868/10, First Floor, Lakdikapool, Hyderabad - 500004

Phone: 040 23303397

వీరనారి ఝాన్సీ ఝల్‌కారీ బాయి
రచన: మోహన్‌ దాస్‌ నైమిశ్‌ రాయ్‌
తెలుగు: డా. జి.వి. రత్నాకర్‌
బొమ్మలు: పైడిరాజు
24 పేజీలు, వెల: రూ.30/-

ప్రతులకు, వివరాలకు:
హైదరాబాద్‌ బుక్‌ ట్రస్ట్‌,
ప్లాట్‌ నెం.85, బాలాజీ నగర్‌, గుడిమల్కాపూర్‌,
హైదరాబాద్‌ - 500067
ఫోన్‌ నెం. 040 2352 1849
ఇమెయిల్‌: hyderabadbooktrust@gmail.com

టి.ఎన్‌.సదాలక్ష్మి జీవిత చరిత్ర - - కె.పి.అశోక్‌ కుమార్‌

2011-11-21T08:13:00.001+05:30

...

ప్రజాసేవ కోసం రంగంలోకి దిగిన నాయకులంతా పదవులు దక్కగానే ప్రజలను మరిచిపోవడం మామూలే. ఒక్కసారి ఎమ్మెల్యే అయితే చాలు, ఉన్నట్టుండి ఆస్తులు, అంతస్తులు పెరుగుతాయి. నెల తిరిగేసరికి బంజారాహిల్స్‌కు వెళ్లిపోవడం చూస్తూనే వున్నాం. పదవులు చేపట్టగానే తమ కులం నుండి, తమ సమాజం నుండి దూరమవుతారు. కాని సదాలక్ష్మి జీవితం ఇందుకు పూర్తిగా భిన్నమైంది.

ఆమె ఎమ్మెల్యే నుండి డిప్యూటీ స్పీకర్‌ స్థాయికి వచ్చినా, రాజకీయాల్లో వున్నా లేకపోయినా, ఎప్పుడూ ప్రజా సమస్యల వైపు, దళితుల అభివృద్ధి వైపే దృష్టి సారించేవారు. సుదీర్ఘ రాజకీయ అనుభవమున్న అరుదైన వ్యక్తిత్వం సదాలక్ష్మిది. నిబద్ధత కలిగి అనేక అస్తిత్వాలకు, వివిధ తరాలకు చెందిన ప్రజానీకాన్ని తన వెంట నడిపించుకున్న రాజకీయ నాయకురాలు ఆమె. అవినీతికి దూరంగా నిస్వార్థంగా, నిజాయితీగా, నిరాడంబరంగా జీవించిన సదాలక్ష్మి జీవితం నేటి యువతరానికి ఆదర్శప్రాయం.

విషయసేకరణ వేరు, దాన్ని విశ్లేషించుకుని, నింగడించుకుని సరిగ్గా ప్రజెంట్‌ చేయడం వేరని రచయిత్రి గుర్తించలేకపోయారని తెలుస్తుంది. పుస్తకం నిండా బోలెడంత రిపిటేషన్‌, అనవసర, అసందర్భ వ్యాఖ్యానాలు కోకొల్లలు. పదే పదే సదాలక్ష్మి కులాన్ని పనిగట్టుకుని తెలియజేయడం చిరాకనిపిస్తుంది. తెలంగాణ చరిత్ర, భాష, సమానత్వంల గురించిన అధ్యాయాలు అనవసరం. ఇది పుస్తకం నిడివిని పెంచడానికే తప్ప సదాలక్ష్మి జీవిత చరిత్రను, ఆమె గొప్పదనాన్ని తెలియజేయడానికి

ఏమాత్రం ఉపకరించవు. సరిగ్గా ఎడిట్‌ చేసి ఈ పుస్తకాన్ని సగానికి కుదించి, పాఠకునికి తక్కువ ధరకు మరింత ఆసక్తికరంగా వుండేట్టు అంజేసే అవకాశాన్ని ప్రచురణకర్తలు ఎందుకు పట్టించుకోలేదో అర్థం కాదు.

- కె.పి.అశోక్‌ కుమార్‌

(వార్త, ఆదివారం 20 నవంబర్‌ 2011 సౌజన్యంతో)

నేనే బలాన్ని - టి.ఎన్‌. సదాలక్ష్మి బతుకు కథ

రచన: గోగు శ్యామల

పేజీలు: 338, వెల: రూ.180/-

ప్రతులకు వివరాలకు:

హైదరాబాద్‌ బుక్‌ ట్రస్ట్‌,

ప్లాట్‌ నెం.85, బాలాజీ నగర్‌, గుడి మల్కాపూర్‌,

హైదరాబాద్‌ - 500 067

ఫోన్‌ నెం. 040 2352 1849

ఇ మెయిల్‌: hyderabadbooktrust@gmail.com

Hyderabad Book Trust Catalog

2011-11-19T19:33:00.004+05:30

హైదరాబాద్ బుక్ ట్రస్ట్ ప్రచురించిన పుస్తకాల జాబితా కోసం దిగువ కేటలాగ్ పై క్లిక్ చేయండి.

పునర్ముద్రణ పొందినప్పుడు వాటి ధరల్లో స్వల్పంగా మార్పు ఉంటుందని గమనించ గలరు.

HBT BOOKS CATALOG

ఇటీవల ప్రచురించిన (2010 -2011 ) మరికొన్ని పుస్తకాల వివరాలు :

HBT Catalog 2

....

కంచ ఐలయ్య 'నేను హిందువునెట్లయిత?' ఏడో ముద్రణ !

2011-11-15T14:56:00.005+05:30

...

కంచ ఐలయ్య 'వై ఐ యామ్‌ నాట్‌ ఎ హిందూ' (Why I Am Not A Hindu?, Published by Samya, Kolkata) యావత్‌ భారత దేశంలో గొప్ప సంచలనం సృష్టించిన అద్భుత గ్రంథం. ఆంగ్లంలో తొలి ముద్రణ పొందిన 1996లోనేనాన్‌ ఫిక్షన్‌ విభాగంలో బెస్ట్‌ సెల్లర్‌గా నిలిచింది. చాలా దేశాలలోని విశ్వవిద్యాలయాలలో పాఠ్య గ్రంథంగా ఎంపికయింది.

2000 సంవత్సరం ది పయనీర్‌ పత్రిక ఈ పుస్తకాన్ని ఈ సహస్రాబ్దపు ఐదు గొప్ప పుస్తకాల్లో ఒకటని ప్రకటించింది. (మిగతా నాలుగు పుస్తకాలు: బి.ఆర్‌.అంబేడ్కర్‌ ''కుల నిర్మూలన''; నామ్‌ దేవ్‌ దసాల్‌ ''గోల్‌ పిథా''; గుర్రం జాషువా ''గబ్బిలం''; ముల్క్‌రాజ్‌ ఆనంద్‌ ''అన్‌టచబుల్‌'').

2000 సంవత్సరంలోనే హైదరాబాద్‌ బుక్‌ ట్రస్ట్‌ ఈ పుస్తకాన్ని ''నేను హిందువునెట్లయిత?'' పేరిట తెలుగులో వెలువరించింది. ప్రచురించిన కొద్ది మాసాల్లోనే ప్రతులన్నీ అమ్ముడుపోయాయి. తెలుగునాట కూడా ఈ పుస్తకంపై విస్తృతమైన చర్చ జరిగింది. జరుగుతోంది. గత పదేళ్లలో ఈ పుస్తకం ఆరు ముద్రణలు పొందింది.

ఇప్పుడు

'నేను హిందువునెట్లయిత?' ఏడో ముద్రణ - మరో కొత్త అధ్యాయంతో, ఆకర్షణీయమైన సరికొత్త ముఖచిత్రంతో వెలువడింది.

తప్పక చదవండి... చదివించండి... చదివి, చదివించి చర్చించండి...!

నేను హిందువు నెట్లయిత?

హిందూ తత్వం, సంస్కృతి, రాజకీయ అర్థశాస్త్రంపై సూద్ర విమర్శ

కంచ ఐలయ్య

188 పేజీలు, వెల: రూ.80

ప్రతులకు, వివరాలకు:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌-500 067
ఫోన్‌: 040-23521849
ఇమెయిల్‌ : hyderabadbooktrust@gmail.com

Ear to the Ground: Writings on Class and Caste by K. BALAGOPAL

2011-11-09T13:36:00.004+05:30

...

‘As a human rights worker active since 1981, and slightly older than Balagopal, I remember him as a magical figure. The writings in this volume help interpret the often chaotic developments in Andhra Pradesh, and provide a model tool for understanding other regional realities of India.’

—BINAYAK SEN

Balagopal’s writings, from the early 1980s till he died in 2009, offer us a rare insight into the making of modern India. Civil rights work provided Balagopal the cause and context to engage with history, the public sphere and political change. He wrote through nearly three tumultuous decades: on encounter deaths; struggles of agricultural labourers; the shifting dynamics of class and caste in the 1980s and thereafter in Andhra Pradesh; the venality and tyranny of the Indian state; on the importance of re-figuring the caste order as one that denied the right of civil existence to vast numbers of its constituents; the centrality one ought to grant patriarchy in considerations of social injustice; the destructive logic of development that emerged in the India of the 1990s, dishonouring its citizens’ right to life, liberty and livelihood. This volume comprises essays—largely drawn from Economic & Political Weekly to which he was a regular contributor—that deal with representations and practices of class power as they exist in tandem with state authority and caste identities.

Inspired by naxalism in the late 1970s, intellectually indebted to D.D. Kosambi’s writings on Indian history and society, and politically and ethically attentive to the politics of feminist and dalit assertion in the 1990s, Balagopal refused dogma and shrill polemics just as he refused theory that did not heed the mess of history and practice.

Balagopal was too self-effacing to put together his writings into a volume. But it is through his writings that his legacy lives on, giving us a roadmap for future struggles.

Excerpt:

‘There is perhaps no issue on which we are such hypocrites as caste; nor any other which brings out all that is worst in us with such shameful ease. The moment V.P. Singh announces the decision to implement the Mandal Commission recommendations… an avalanche of obscenity hits the country. Caste will undoubtedly be the last of the iniquitous institutions to die out in this country. It will outlast everything else.’

Economic & Political Weekly, 6 October 1990

About the Author:

Kandala Balagopal (1952–2009) did not start out as a writer or commentator on contemporary politics. Like that other great modern Indian thinker, D.D. Kosambi, whom he read avidly, admired and wrote about, his training was in mathematics, a subject he taught at Kakatiya University, Warangal, from 1981 to 1985. The political culture of Warangal—home to the naxalite left and resonant with debates around questions of class, justice and revolution—proved decisive in Balagopal turning away from an introspective life of the mind. Instead, he came to train his acute intellect to identify, comprehend and critically examine key political and social concerns. He joined the Andhra Pradesh Civil Liberties Committee in 1981, and became active in civil rights work centred at that time around extra-judicial killings of militant left cadres. Arrested under TADA in 1985 on trumped-up charges relating to the murder of a police sub-inspector, he spent three months in Warangal prison. In 1989, Balagopal was kidnapped by a vigilante group called ‘Praja Bandhu’—believed to be a front of the police, and in 1992 was beaten up badly by the police in Kothagudem.

Balagopal trained to be a lawyer late in his life and enrolled in the Bar Council of Andhra Pradesh in 1998, representing a wide variety of litigants whose lives, lands, status and employment were threatened. In fellow-traveller K.G. Kannabiran’s words, ‘Balagopal showed himself as the only lawyer of the poor of his generation with a reputation for competence.’ Owing to differences of opinion on the use of violence by naxalites, Balagopal left APCLC in 1998. He was one of the founder-members of Human Rights Forum in which he was active till his death.

Ear to the Ground: Writings on Class and Caste

K. Balagopal

Paperback | 488 pages
6 x 9.25 inches (royal octavo) with gatefold cover | Rs 550

For Copies:

Hyderabad Book Trust

Plot No. 85, Balaji Nagar, GudiMalkaPur, HYDERABAD - 500 067

Phone: 040 2352 1849

Email: hyderabadbooktrust@gmail.com

...

ధైర్యే సాహసే ‘సదాలక్ష్మీ’ - అబ్బూరి ఛాయాదేవి - (భూమిక November 2011)

2011-11-08T16:17:00.006+05:30

ధైర్యే సాహసే "సదా లక్ష్మీ"

మన రాష్ట్రరాజకీయాల్లో తనదైన ముద్రవేసిన శ్రీమతి టి.ఎన్‌.సదాలక్ష్మి గురించి శ్రీమతి గోగు శ్యామల రాసిన సదాలక్ష్మి గారి మొట్టమొదటి జీవితచరిత్ర.

సదాలక్ష్మి గారి ఆఖరి దశలో ఆమెని ఇంటర్వ్యూ చేసి ఆమె ఆత్మచరిత్రని ఆధారంగా చేసుకుని, ‘నేనే బలాన్ని’ అన్న శీర్షికతో, పరిశోధనాత్మకంగా సదాలక్ష్మిగారి సన్నిహిత బంధువుల్నీ, మిత్రుల్నీ, సమకాలీన రాజకీయ నాయకుల్నీ, ఉద్యమాలలో పాల్గొన్న ప్రముఖుల్నీ ఇంటర్వ్యూ చేసి ఆమె జీవితచరిత్రని ‘అన్వేషి’ సంస్థ ఆధ్వర్యంలో రాయగా, హైదరాబాద్‌ బుక్‌ ట్రస్టు వారు ఆకర్షణీయమైన ముఖచిత్రంతో ప్రచురించిన అపూర్వగ్రంథం ఇది.

ప్రధానంగా ఇంటర్వ్యూల మీద ఆధారపడిన గ్రంథం కాబట్టి, ఇందులో కాలక్రమానుసారంగా సదాలక్ష్మి జీవితాన్ని చిత్రించడంలో కొంత ముందు వెనకలయి నప్పటికీ, ప్రతి అధ్యాయం ఆసక్తికరమైన వివరాలను అందించింది.

”ఆమెకు ఎవ్వరంటే భయం లేదు. స్వయంగ నేను చూసాను. అందరు మినిస్టర్లు వచ్చేవాల్లు. నేను ఆమె వెనుకనే వుండేవాన్ని. తను ఎవ్వర్నీ ‘సర్‌’ అన్నదిగానీ, తలవంచి మాట్లాడిందిగానీ లేదు. సంజీవరెడ్డితో, పి.వి.నరసింహరావుతో, బ్రహ్మానందరెడ్డితో మాట్లాడినా… ఆమె ఎప్పుడూ గూడా వాళ్ళతో సమానంగా మాట్లాడింది. ఏదో వాల్లకంటే కిందికి తగ్గాలనే మాట ఆమెకు లేకుండె. అంత నిర్భయత్వంల ఆమె వుండేది” అని సదాలక్ష్మి గారి గురించి ఆమె భర్త టి.వి.నారాయణగారే అన్న మాటలబట్టి సదాలక్ష్మిగారి వ్యక్తిత్వం తెలుస్తుంది.

‘నేనే బలాన్ని’ అనడంలోనే సదాలక్ష్మిగారి ఆత్మవిశ్వాసం ప్రస్ఫుటమవుతుంది. సదాలక్ష్మికి చిన్నప్పుడు ట్యూషన్‌ మాస్టర్‌ చెప్పేదిట - ”రాదు అనే మాటను మన లిస్టులో నుంచి తీసెయ్యాల” అని. ”ఎవరు ఏ పనిచేస్తే, ఎవరు ఏ పని మీద ధ్యాసపెడితే ఆ పనిలో ప్రావీణ్యత ఒచ్చేస్తది. ఏ పనైన మనం చేస్తూ పోవాలి. మేము చెయ్యమూ అనొద్దు… నన్నడిగితె నాకు రాదూ అని ఎవరైన అంటే అట్లనొద్దు! దేన్నిగూడ రాదని చెప్పొద్దు. గమ్మున వూర్కోవాలె, చేస్తున్నది చూడాలె. అది నేర్చుకోవాలె అని చెప్పుత. నేను అట్లనే చేస్త” అన్న సదాలక్ష్మిగారి ఉద్ఘాటన అన్ని తరాలవారూ అనుసరించవలసిన మార్గదర్శకసూత్రం.
”నిండ మన్సుబెట్టకుండ నా జీవితంల నేనేదీ చెయ్యను. చిన్నదానికి పెద్దదానికి మన్సుబెట్టాల్సిందే. ఇది దినచర్యలాగ అలవాటైయింది నాకు. ఆ విధంగా మా నాయినే అన్నీ చెప్పేది” అని చెప్పిన విశేషమే సదాలక్ష్మిగారి విజయరహస్యం.

హిందూసమాజంలోని ”అట్టడుగు కులాలన్నింటిలోకీ అడుగున ఉండే మాదిగ ఉపకులమైన, మరుగుదొడ్లు సాఫు జేసే ‘మెహతర్‌’ వృత్తికులంలో పుట్టి, ఏటికి ఎదురీదుతూ మంత్రివర్గ సభ్యురాలిగా,” ముఖ్యంగా దేవాదాయ శాఖ మంత్రిగా తన సత్తా నిరూపించుకుని, ”డిప్యూటీ స్పీకర్‌ స్థాయికి చేరుకున్న సదాలక్ష్మి జీవితాంతం కాంగ్రెస్‌, తెలుగుదేశం వంటి అధికారపార్టీ రాజకీయాల్లో కీలకంగా ఉంటూ,” దళిత, తెలంగాణా మొదలైన ఉద్యమాలలో నాయకురాలిగా తనదైన ముద్రవేసిన తెలుగు మహిళ.

సదాలక్ష్మి 1928 వ సంవత్సరంలో డిసెంబర్‌ 25న పుట్టింది. అగ్రవర్ణ స్త్రీలలోనే చదువు అంతగా లేని పరిస్థితిలో తల్లిదండ్రుల ప్రోద్బలంతో 1939లో ”వీరి వంశంలోనే తొలి తరంగా పాఠశాలలోకి, ప్రాథమిక విద్యలోకి ప్రవేశించింది,” ముందుగా బొల్లారంలో ప్రైవేటు పాఠశాలలోనూ, పై తరగతులు కీస్‌ హైస్కూల్లోనూ చదివింది. ఇంటర్‌మీడియట్‌ కోసం నిజాం కాలేజిలో చేరి, నాలుగు నెలలపాటు చదివింది. ”రజాకార్లను ఎదుర్కొనేందుకు ఆమె ఎంత ధైర్యంగా ఉండేదంటే, నిజాం కాలేజికి వచ్చినప్పుడల్లా ఎప్పుడూ ఒక కత్తి దగ్గర పెట్టుకొని ఉండేది” అని సదాలక్ష్మిగారి భర్త గుర్తు చేసుకున్నారు. అది కో-ఎడ్యుకేషన్‌ కాలేజి అని ఆమె పెద్దన్న కాలేజి మాన్పించాడు. ఎక్కడన్నా ఆడపిల్లల కాలేజి ఉంటే అక్కడ చదివిస్తానని తల్లి ప్రోత్సహించిందిట. ”మద్రాసులోని క్వీన్‌ మేరీస్‌ విమెన్స్‌ కాలేజిలో యఫ్‌.ఏ. (ఫస్ట్‌ ఆర్ట్స్‌ కోర్సు)లో చేరింది.

అంతకుముందు పదవ తరగతి చదువుతూండగానే 1947లో తను ఇష్టపడిన టి.వి.నారాయణని పెళ్ళి చేసుకుంది. వాళ్ళది ”ఇంటర్‌కాస్ట్‌ మ్యారేజి”. ఆమెది మాదిగ సబ్‌కాస్ట్‌ పాకీ వృత్తి. ఆయనది చెప్పులు కుట్టే వృత్తి. ”ఆ కాస్త తేడాలోనే నరకం చూశాను” అని చెప్పారు సదాలక్ష్మి, గోగు శ్యామలకి ఇచ్చిన ఇంటర్వ్యూలో. సదాలక్ష్మిగారు రాజకీయాల్లోకి వచ్చాక కూడా ఆమెని అత్త కొట్టేదిట. భర్త ఏమీ చెయ్యలేకపోయేవాడుట. ”నా మ్యారేజి లైఫ్‌ చాలా ఘోరమైన లైఫ్‌. ఇప్పటికీ ఎదురీదుతున్నాను…” అని ఆమె ఆఖరి రోజుల్లో కూడా చెప్పుకున్నారు.

మద్రాసుకీ హైదరాబాదుకీ మధ్య తిరగడంతో ఆమె చదువు సరిగ్గా సాగలేదు. అదే సమయంలో ”లేడీస్‌ కావాలని కాంగ్రెస్‌ పార్టీనుంచి స్వయంగా పిలుపు వచ్చింది… ఎందుకంటే స్కూలు చదువులనుంచే రాజకీయాల్లో చురుగ్గా ఉండేదని.”

మొదటిసారి పార్లమెంటుకి ఎన్నికలలో కమ్యూనిస్ట్‌ పార్టీవల్ల ఓడిపోయినప్పటికీ, ”ఆమె జీవితంలో ఒక నూతన దశ మొదలయింది. తరవాత ఎం.ఎల్‌.ఎ.గా గెలిచింది.” ఇక ”ఆమె స్వయం నిర్ణయాలు” తీసుకోవడం మొదలుపెట్టింది. ఆమె ఇష్టంతో చేసిన మరొక పని వ్యవసాయం. ”ధైర్యం సాహసం వుంటే తమకు తాము రక్షించుకుంటారు. ఇంక కొంతమందిని రక్షిస్తారు” అంటూ, ఒకసారి పెద్దపులిని ఎలా ఎదుర్కొందో చెప్పారు సదాలక్ష్మి. ఆనాటి రాష్ట్రపతి సర్వేపల్లి రాధాకృష్ణన్‌తో, ప్రధానమంత్రి జవహర్‌లాల్‌ నెహ్రూతో, రాష్ట్రంలో బ్రహ్మానంద రెడ్డితో, సంజీవరెడ్డితో, చెన్నారెడ్డి మొదలైన వారితో ఎలా వ్యవహరించారో సదాలక్ష్మి జీవితచరిత్ర చదివితే తెలుస్తుంది.

”రకరకాల ఆధిపత్యాలు, పెత్తనాలు రాజ్యమేలుతుండే పార్టీల్లోనూ, సమాజంలోనూ మనుగడ సాగిస్తూ, అట్టడుగు కుల, తెగ, జండరు, ప్రాంత అంశాలపై పనిచేస్తున్నప్పుడు ఎదురయ్యే అడ్డంకులను, అనుభవాలను అర్థం చేసుకోవాలంటే సదాలక్ష్మి జీవితాన్ని చదవాల్సిందే” అని ఈ గ్రంథ రచయిత్రి గోగు శ్యామల అన్నది అక్షరాల నిజం. ఇది అందరూ చదవాల్సిన పుస్తకం.

- అబ్బూరి ఛాయాదేవి

భూమిక నవంబర్ 2011 సౌజన్యంతో

http://bhumika.org/archives/1997

...

చారిత్రక ప్రేమకావ్యం

2011-11-07T12:34:00.002+05:30

...

సరిగ్గా 33 ఏళ్ల్ల క్రితం (నవంబర్‌, 1978) 'గాన్‌ విత్‌ ద విండ్‌' నవలని మాలతీ చందూర్‌ (స్వాతి మాసపత్రికలో) పరిచయం చేసినప్పుడు పాఠకులంతా అబ్బురపడి,

'ఇంత గొప్ప నవలని ఎవరైనా తెలుగులోకి పూర్తిగా తీసుకొస్తే బాగుండేది కదా' అని మధనపడ్డారు.

వాళ్ల బాధని అర్థం చేసుకున్నట్టుగా మూడు దశాబ్దాల తర్వాత పూర్తి అనువాదంతో తెలుగు పాఠకుల ముందుకు తీసుకొచ్చారు ఎం.వి.రమణారెడ్డి.

ప్రపంచ ప్రఖ్యామైన వంద నవలల్ని ఎంపిక చేస్తే అందులో తొలి పది నవలల్లో 'గాన్‌ విత్‌ ద విండ్‌' ఉంటుందన్న అనువాదకుడి మాటతో పాఠకులు పూర్తిగా ఏకీభవిస్తారు.

అయితే ఈ నవల చదవడానికి ముందు కొంత అమెరికా చరిత్ర, 1861 నుండి 1865 మధ్య కాలంలో అక్కడ జరిగిన సివిల్‌ వార్‌ గురించి తెలిసివుంటే మరింత ఆసక్తిగా చదివిస్తుంది.

యూరోపియన్లు అమెరికాను ఆక్రమించి స్థానిక 'రెడ్‌ ఇండియన్స్‌'ని తరిమేసి వందలాది ఎకరాల్ని ఆక్రమించి, పత్తి పండించే భూకామందులుగా చలామణి అయ్యారు. ఆ క్రమంలో ఆఫ్రికా ఖండం నుండి లక్షలాది నల్లజాతీయుల్ని బానిసలుగా తీసుకెళ్లి వారితో ఊడిగం చేయించుకున్న చరిత్ర ప్రపంచానికి తెలిసిందే.

బానిసత్వ నిర్మూలన పోరాటాల నేపథ్యంలో అప్పటి అమెరికన్‌ ప్రెసిడెంట్‌ అబ్రహాం లింకన్‌ నీగ్రోలకి పూర్తి స్వేచ్ఛనివ్వడం అమెరికా దక్షిణాది రాష్ట్రాలకు నచ్చలేదు.

అవి యునైటెడ్‌ స్టేట్స్‌తో విడిపోయి 'కాన్ఫెడరేషన్‌ ఆఫ్‌ స్టేట్స్‌'గా కొత్త ప్రభుత్వాన్ని ఏర్పాటు చేసుకున్నాయి. ఆ తిరుగుబాటుని అణిచివేసి, దేశాన్ని ఏకతాటిపై తెచ్చే ప్రయత్నంలో సాగిందే అమెరికా అంతర్యుద్ధం.

1900 సంవత్సరంలో పుట్టిన 'మార్గరెట్‌ మిచ్చెల్‌' తన 25-35 ఏళ్ల మధ్యకాలంలో ఈ నవల రాశారు. 65 ఏళ్ల క్రితం జరిగిన అంతర్యుద్ధ చరిత్రని శోధించి, మధించి ఒక అద్భుతమైన ప్రేమ కావ్యంగా మలిచారు.

ఈ నవలలో ప్రధాన పాత్ర స్కార్లెట్‌. తను అనుకున్నది సాధించే అసమాన స్త్రీగా స్కార్లెట్‌ పాత్రని మలిచిన తీరు పాఠకుల్ని అడుగడుక్కీ ఆశ్చర్యంలో ముంచెత్తుతుంది. స్వార్థం మూర్తీభవించిన స్కార్లెట్‌కి సమాన స్థాయిలో సృష్టించిన మరో పాత్ర 'రెట్‌ బట్లర్‌'. ఈ రెండు పాత్రలు ఒకే జాతి పక్షులు. వాళ్ల సుఖం కోసం ఎదుటివారు ఏమైపోయినా పర్వాలేదనుకునే మనస్తత్వం వీరిది. వీరిద్దర్నీ ఇష్టపడకుండానూ, ఏవగించుకోకుండానూ ఉండలేరు పాఠకులు.

మొదట్నుంచి 'యాష్లీ' ప్రేమ కోసం పరితపించిన స్కార్లెట్‌, అతని ప్రేమ అందకపోవడం లోంచి పుట్టిన కసితో ఛార్లెస్‌, కెనడి, రెట్‌ బట్లర్‌లను ఒకరి తర్వాత ఒకర్ని పెళ్లాడి ... ఎవరికీ స్వంతం కాలేక చివరికి ఒంటరిగా మిగిలిపోతుంది. 'నిజానికి యాష్లీ అర్థమయ్యి ఉంటే ఎట్టి పరిస్థితుల్లోనూ అతన్ని ప్రేమించేది కాదని, రెట్‌ బట్లర్‌ అర్థమై ఉంటే ఎట్టి పరిస్థితుల్లోనూ అతన్ని వదులుకునేది కాదనే' స్కార్లెట్‌ అంతర్మథనంతో నవల ముగించడం గొప్పగా అన్పిస్తుంది.

'గాన్‌ విత్‌ ద విండ్‌' నవల 1940-50 దశకాల మధ్య ఇతర ప్రపంచ రచయితల మీద కూడా గాఢమైన ప్రభావం చూపించివుండాలి. గమనిస్తే పి.శ్రీదేవి 'కాలాతీత

వ్యక్తులు' నవలలోని ఇందిర, కృష్ణమూర్తి, కళ్యాణి, ప్రకాశం పాత్రలు స్కార్లెట్‌, రెట్‌ బట్లర్‌, మెలనీ, యాష్లేల మనస్తత్వాలకు అతి దగ్గరగా అనిపిస్తాయి. అ లాగే మట్టిమనిషి (వాసిరెడ్డి సీతాదేవి) వరూధినిలోనూ స్కార్లెట్‌ లక్షణాలు కనిపిస్తాయి.

'గాన్‌ విత్‌ ద విండ్‌' నవల 1939లో సినిమాగా విడుదలై పది ఆస్కార్‌ అవార్డులు సాధించడం గమనార్హం. ముఖ్యంగా స్కార్లెట్‌ పాత్రతో ఆస్కార్‌ స్వంతం చేసుకున్న నటి వివియన్‌ లీహ్‌ ఇండియాలోని డార్జీలింగ్‌లో పుట్టి ఊటీలో బాల్యం

గడపడం ఆసక్తి కలిగించే విషయం.

నవల సాంతం ఏకబిగిన చదివించే చక్కటి అనువాదం చేసిన రమణారెడ్డి ఇంత గొప్ప నవల రాసిన మూల

రచయిత్రి 'మార్గరెట్‌ మిచ్చెల్‌' పేరుని ముఖచిత్రంపై వేయకపోవడం, ఆమె ఛాయాచిత్రం పుస్తకంలో ఎక్కడా ప్రచురించకపోవడం పాఠకుల మనసును చివుక్కు మనిపిస్తుంది.

- గొరుసు

(ఆదివారం ఆంధ్రజ్యోతి 6-11-2011 సౌజన్యంతో)

చివరకు మిగిలింది?

మూలం : మార్గరెట్‌ మిచ్చెల్‌

అనువాదం : ఎం.వి.రమణారెడ్డి,

పేజీలు : 512, వెల : రూ.200

ప్రతులకు

హైదరాబాద్‌ బుక్‌ ట్రస్ట్‌

నిష్కల్మతను నిద్రలేపే బషీర్‌ కథలు - వాడ్రేవు చినవీరభద్రుడు

2011-11-03T10:48:00.003+05:30

...

నా మళయాల మిత్రురాలొకామెను వైకం మహమ్మద్‌ బషీర్‌ కథలమీద సమీక్ష రాయాలి, ఏవైనా నాలుగు మాటలు చెప్పమని అడిగాను. ఆమె రెండు మాటలు చెప్పింది:

'మొదటిమాట బషీర్‌లో నాకు నచ్చేదేమిటంటే ఆయన రాసిన పుస్తకాలు చిన్న పిల్లలకు కూడా అర్థం అవుతాయి. కానీ ప్రతి వాక్యంలోనూ ఎంత దార్శనికత ఉంటుందంటే, దాన్ని పండితులు మాత్రమే అర్థం చేసుకోగలుగుతారు. అ లాగని ఆ రచనలు చదివి ఆనందించడానికి ఆ దార్శనకిత తెలియాల్సిన పనిలేదు' అని.

ఆమె వెంటనే ఓ ఉదాహరణ కూడా ఇచ్చింది: ''బాల్యకాల సఖి'' కథలో ఒక చిన్నపిల్లవాడు ఒకటి ఒకటి కలిస్తే పెద్ద ఒకటి అవుతుంది అంటాడు. ఈ మాట వినగానే మనకు నవ్వొస్తుంది. రచయిత చిన్న పిల్లల మనస్తత్వాన్ని భలే పట్టుకున్నాడనిపిస్తుంది. కానీ కొద్దిగా ఆలోచిస్తే ఈ వాక్యం తాత్వికంగా చాలా లోతైన వాక్యమని అర్థమవుతుంది. ఒక నది మరొక నదితో కలిసిందనుకో, అప్పుడవి రెండు నదులు కావు కదా, పెద్ద నదిగా మారతాయంతే'' అంది.

ఆమె మాటలు వింటుంటే నాకో ఆలోచన వచ్చింది. కొందరు రచయితలు కొన్ని భాషా సాహిత్యాలకు మాత్రమే ప్రత్యేకంగా ఉంటారేమోనని. ఉదాహరణకి చలం లాంటి రచయిత మనకి భారతదేశంలో మరే సాహిత్యంలోనూ కనబడడు. గాంధీజీ లాంటి రచయిత ఒక్క గుజరాతీకి మాత్రమే ప్రత్యేకం.

ఏ రాష్ట్రంలో అత్యధిక సంఖ్యలో గిరిజన తెగలు నివసిస్తుంటారో, అక్కణ్ణుంచి మాత్రమే గోపీనాథ మొహంతి లాంటి రచయిత ప్రభవిస్తాడు. అ లాగే, వైకం మహమ్మద్‌ బషీర్‌ (1908-1994) ఒక్క మళయాళ సాహిత్యానికి మాత్రమే ప్రత్యేకం, ఆ ప్రాంతానికి చెందిన మొక్కల్లాగా, పూలల్లాగా.

పరశురాముడు పైకిలేపాడని చెప్పుకునే భూభాగం మీద హిందువులు ప్రధాన స్రవంతిగా కొనసాగే సమాజంలో అ ల్పసంఖ్యాక ముస్లిం జీవితం నుండి పుట్టి పెరిగిన రచయిత - ఆయన భాషలో ఎనభై శాతానికి పైగా పదజాలం సంస్కృతం మీద ఆధారపడే మళయాళంలో ఒక గురజాడ లాగా పూర్తి మట్టి వాసన కొట్టే సాధారణ వాడుక భాషలో రచనలు చేసినవాడు. దాదాపు అర్థ శతాబ్దపు సాహిత్య కృషిలో ఆయన రాసింది మొత్తం 13 నవలలు, 13 కథా సంపుటాలు. 2,200 పేజీలకు మించని రచనా సర్వస్వం.

కానీ, ఇరవయ్యవ శతాబ్దపు భారతదేశ రచయితల్లో ఒక సుబ్రహ్మణ్య భారతి, ఒక టాగోర్‌, ఒక ప్రేమ్‌ చంద్‌, ఒక గురజాడతో సమానమైన స్థానాన్ని పొందాడు. ఎందుకని?

ఇప్పుడు హైదరాబాద్‌ బుక్‌ ట్రస్ట్‌ తెలుగులోకి అనువదింపచేసి తీసుకువచ్చిన ''బహీర్‌ కథలు'' చదివితే ఆ ప్రశ్నకు జవాబు చాలా సులభంగా దొరుకుతుంది.

బషీర్‌ కథలు ఒట్టి కథలు కావు.

అవి ఒక రకంగా ఆయన అనుభవాలు. ఆయన కుటుంబ కథలు. ఆయన పుట్టి పెరిగిన సమాజం కథలు.

ఈ సంపుటంలోని 21 కథలూ చదవడం పూర్తి చేయగానే మనమొక నిజమైన మానవుణ్ణి కలుసుకున్నట్టనిపిస్తుంది. ఆగ్రహం, దు:ఖం, జీవిత పరిమళాలతోపాటు మనకెందుకో ఒకటే నవ్వొస్తూంటుంది. ఆ నవ్వు మళ్లా ఎక్కడో తీవ్రమైన విచారంలోకి తీసుకుపోయి పడేస్తుంది మనని.

బషీర్‌ కథల్ని ఇంగ్లీషులోకి అనువదించిన అబ్దుల్లా ఒక మాట రాస్తాడు: ''మీరు ఈ కథల్ని మళ్లీ మళ్లీ చదవకుండా ఉండలేరు. ఆ కథలు చదువుతూ మీ కళ్లమ్మట నీళ్లొచ్చేంతగా నవ్వుకుంటారు. ఇంతలో మీకు తెలియకుండానే రచయిత మిమ్మల్నేడిపిస్తున్నాడనే సంగతి మీకు తడుతుంది. మీకు చాలా ఇబ్బందిగా అనిపిస్తుంది.

''పాతుమ్మా మేక'' కథనే తీసుకోండి, ఆ కథ చదువుతున్నంతసేపూ మీరు గడియారం పెండ్యులంలాగా నవ్వులకీ, కన్నీళ్లకీ మధ్య, మళ్లీ కన్నీళ్లకీ, నవ్వులకీ మధ్య ఊగుతూనే ఉంటారు.' (పూవన్‌ బనానా అండ్‌ అదర్‌ స్టోరీస్‌, ఓరియంట్‌ లాంగ్మన్‌, 2009, పే.11).

బషీర్‌ను చదువుతున్నప్పుడు, మనం మర్చిపోయిన మనలోని మానవత్వం, నిజాయితీ, నిష్కల్మషత్వం లాంటి గుణాలన్నీ నెమ్మదిగా బయటికి రావడం మొదలెడతాయి. ఆ మనిషి ఓ వరుసవేది. ఎటువంటి మనిషి కాకపోతే, వైకంలో ఇంగ్లీషు మీడియం స్కూల్లో చదువుకోమని పంపిస్తే, 16 సంవత్సరాల వయసులో వైకం సత్యాగ్రహం (1924) కోసం వచ్చిన గాంధీజీని ఒక్కసారి తాకి చూడాలని అంతగా ఉవ్విళ్లూరతాడు!

తాకి ఊరకున్నాడా? ఆ క్షణమే సమస్తం వదిలేసాడు. స్కూలుకు పోవడం కన్నా సత్యాగ్రాహ ఆశ్రమానికి పోయిరావడాన్నే ఎక్కువ ప్రేమించాడు. పోలీసుల లాఠీ దెబ్బలు తిన్నాడు. తిరువాన్కూరు సంస్థానంలో సత్యాగ్రహం చేయాలనుకున్నాడు. జైలుకి వెళ్లాడు. జైలు నుంచి బయటికొచ్చి ఎనిమిదేళ్లపాటు హిమాలయాల నుంచి ఆఫ్రికాదాకా తిరిగిన చోటు తిరక్కుండా తిరిగాడు. చేనేతకారుడిగా, జ్యోతిష్కుడిగా, వంటమనిషిగా, కాపలాదారుగా, సేవకుడిగా, గొర్రెలు కాచుకునేవాడిగా, సూఫీ సాధువుగా, సన్యాసిగా ఆయన ఎత్తని అవతారం లేదు. చెయ్యని ఉద్యోగం లేదు. తిరిగి ఇంటికి రాగానే అరెస్టువారంటు. మళ్లీ మరొకసారి జైలు. జైలు నుంచి బయటపడేటప్పటికి, మానసిక ఉన్మాదం. ఈ సారి పిచ్చాసుపత్రికి.

తుపాను పట్టిన సముద్రంలాగా ఘూర్ణిల్లిన ఆ యవ్వన దినాలన్నీ అయిపోయాక, ఏభైయ్యోపడిలో పడ్డాక, పెళ్లి. ఇద్దరు పిల్లలు. భర్తగా, తండ్రిగా కొత్త పాత్రలు. ''బేపూర్‌ సుల్తాన్‌''గా మూడున్నర దశాబ్దాలు ప్రశాంతమైన గృహజీవితం.

నా మిత్రురాలు చెప్పిన రెండో మాట ఏమిటంటే ''బషీర్‌ రచనలు కాలంతో పాటు కొత్తగా అనిపిస్తాయి. ఆయన మొట్టమొదటి కథ ''ప్రేమ లేఖనం'' (1943) ఇప్పుడు మళ్లీ చదివితే, అందులో స్త్రీపురుష సహజీవనం గురించీ, ఎవరూ మరొకరి మీద పెత్తనం నెరపని ఆదర్శ జీవితం గురించీ, స్త్రీల సాధికారత గురించీ ఎన్నో కొత్త ఆలోచనలు కలుగుతాయి' అని.

నిజమే. ఆ కథలో ఇవి చాలా మామూలు వాక్యాలే కాని, చూడండి: ''అ లా రైలు మూడు స్టేషన్లు దాటి ఆగింది. పెట్టెలో వాళ్లిద్దరే ఉన్నారు. నాలుగో స్టేషను దగ్గర ఆగినప్పుడు కేశవన్‌ నాయర్‌ టీకోసం చూసాడు. సారమ్మ కాఫీ కావాలంది. కేశవన్‌ నాయర్‌ టీయే కావాలన్నాడు. మాటా మాటా పెరిగింది. చివరకి సారమ్మ టీ, కేశవన్‌ నాయర్‌ కాఫీ తాగారు. తెల్లారింది. రైలు ఒక వంతెన దాటుతోంది. వంతెనకింద బంగారు నది ప్రవహిస్తూంది. కాఫీ, టీ గొడవను మరిచిపోయారు వాళ్లు.''

బషీర్‌ ముస్లిం మలబారు ముస్లిం జీవితం గురించి రాసాడు. అరబిక్‌లో ఖొరాన్‌ అధ్యయనం చేసాడు. కానీ ఆయన ముస్లిం మాత్రమే కాదు, పదహారేళ్ల తొలి యవ్వనంలో యువకులు యువతుల ప్రేమకోసం పరితపించే వేళ, ఆయన గాంధీజీతో ప్రేమలో పడ్డాడు. సత్యాగ్రహం చేసాడు. జైలుకు వెళ్లాడు. కానీ కాంగ్రెస్‌ వాది కాదు. భగత్‌సింగ్‌లో తన పోలికలు చూసుకున్నాడు. భావాల్లో, భాషలో సమూల విప్లవం అనుభవించాడు. కానీ రివల్యూషనరీ కాదు. బీదరికం, ప్రేమ, తనకు కలిగినది నలుగురితో కలిసి పంచుకోవడం కోసమే జీవించాడు. దాన్నే రాసాడు. కానీ మ్యూనిస్టు కాదు. స్త్రీ పరిమళాన్ని ప్రాణప్రదంగా ఆస్వాదించాడు. కానీ పూవన్‌ బనానా కథ చదివితే, ఆడవాళ్లను ద్వేషిస్తున్నాడా అనిపిస్తుంది. ఆయన ఫెమినస్టూ కాడు. యాంటీ ఫెమినిస్టూ కాడు. పైకి విరుద్ధంగా కనిపించే ఈ అంశాలన్నిటినీ, ఈ జిగ్‌సా పజిల్‌ని జాగ్రత్తగా పేర్చుకుంటూ పోతే అత్యంత విశ్వసనీయుడైన, అత్యంత ప్రేమాస్పదుడైన ఒక మనిషి ముఖచిత్రం సాక్షాత్కరిస్తుంది. ఆయన్ని కేరళ సమాజమెలా ప్రేమించిందో మనం కూడా అ లాగే ప్రేమించడం మొదలు పెడతాం.

ఇంతకుముందే చెప్పినట్టుగా, ఆయన మనలో నిద్రపోతున్న నిష్కపట మానవుణ్ణి మేల్కొలుపుతాడు. అవును, మనం కూడా ఒకప్పుడు, మన బాల్యంలోనో, తొలియవ్వనంలోనో ఇంత నిర్మలంగా ఉండేవాళ్లం. ఇప్పుడెందుకిలా అయిపోయాం? మనకి ఏడుపొస్తుంది.

''అమ్మ కథ (అది కథ కాదు, ఆయన జీవితమే) చదవడం ముగించగానే నాకు నిజంగానే ఏడుపొచ్చేసింది.

బషీర్‌ నేను కూడా నీలా బతకాలంటే, నీలా రాయాలంటే, చెప్పు నేను ఏం కావాలి? ఏం వదులుకోవాలి?

నాలాంటివాళ్లు అసంఖ్యాకంగా ఉన్న తెలుగు సమాజం, తెలుగు సాహిత్య సమాజం తప్పనిసరిగా చదవాల్సిన కథలివి. అనువాదాలు కూడా బాగున్నాయి.

-వాడ్రేవు చినవీరభద్రుడు

( ఆదివారం ఆంద్ర జ్యోతి తేదీ 02 అక్టోబర్ 2011 సౌజన్యంతో )

బషీర్‌ కథలు

పేజీలు 200, వెల: రూ.100

...

MUHAMMAD PRAVAKTHA JEEVITHAM - The Hindu Book Review

2011-11-03T04:23:00.005+05:30

MUHAMMAD PRAVAKTHA JEEVITHAM:

Translation by P. Satyavathi;

Hyderabad Book Trust, Flat No 8J, Balaji Nagar, Gudimalkapur, Hyderabad-500067. Rs. 80.

THIS IS a translation of Karen Armstrong's Muhammad: A Biography of the Prophet, which earned for him the Muslim Public Affairs Council Media Award. Armstrong's is no mean achievement, because writing on religious heads and thinkers is no easy task; it calls for scholarship, research orientation, and an unflappable commitment to authenticity.

In her comprehensive work on the life and times of the Prophet, Armstrong brings into focus the ideological differences between the Islamic and Western worlds. The Prophet's life is one of philanthropy, compassion, and empathy. He constantly went on pilgrimage.

The renovation of Kaaba; the installation of the sacred black stone under the guidance of Muhammad; his divine vision of Gabriel on the 17 {+t} {+h} day of Ramdan and the revelations he received; and how he came to be acclaimed the messenger of Allah — all these are told in detail and in an absorbing manner.

Armstrong quotes many ‘Suras' from the Koran. The oft-quoted one among the ‘Suras' is, according to her, that which says “God does not change the condition of any people unless they themselves make a decision to change.” The translation is commendable and smooth-flowing.

- AMBIKA ANANTH

Courtesy : The Hindu Dated 22/02/2011

...

ఘంటారావం, అజేయుడు : ఆంధ్రజ్యోతి సమీక్ష

2011-11-02T14:22:00.003+05:30

...

రెండూ రెండు ప్రపంచ ప్రఖ్యాత నవలలు.

ఒకటి విక్టర్‌ హ్యూగో 1831లో రాసిన "The Hunchback of Notre Dame" నవలకు తెలుగు అయిన ''ఘంటారావం''.

రెండోది ''అజేయుడు'' 1844లో అ లెగ్జాండర్‌ డ్యుమా రాసిన "The Count of Monte Cristo" నవలకు తెలుగు

అన్ని భాషల్లోకి అనువదించబడ్డ ఈ రచనల గొప్పతనం గురించి కొత్తగా చెప్పుకోవలసిన అవసరం ఎలా లేదో వీటిని తెలుగు చేసిన సూరంపూడి సీతారాం అనువాద శైలి గురించి కూడా అంతే.

కౌంట్‌ ఆఫ్‌ మాంటి క్రిస్టో నవల చాలా పెద్దది కాబట్టి ఈ కాలం పాఠకులను దృష్టిలో పెట్టుకుని కాస్త సంక్షిప్తం చేశారు హెచ్‌బీటీ వాళ్లు.

మనుషుల పేర్లూ, ప్రాంతాల పేర్లు, వ్యవస్థల పేర్లు పరాయిగా అనిపించవచ్చునేమో గాని మానవ స్వభావాల రీత్యా ఈ రెండు కాల్పనిక నవలలలోని ఇతివృత్తం మనకు సుపరిచతంగా అనిపిస్తుంది.

అన్యాయాలు, అక్రమాలు, అవహేళనలకు గురైన చాలామంది శక్తిలేక, పరిస్థితులకు తలొగ్గి చరిత్రలో కనుమరుగైపోవచ్చు. కానీ వాళ్లందరికీ ప్రతినిధిగా ఎవరో ఒకరు ఎదురుతిరిగి తమ బాధలకు ప్రతీకారం తీర్చుకుంటారు. మిగతా బాధితులందరూ వారిలో తమను తాము చూసుకుంటారు.

కనుకే అటువంటి పాత్రలకు అంత ప్రజాదరణ లభిస్తుంది. ఆ ప్రతీకారం తీర్చుకోవడంలో వారు ఉదాత్తులుగా కూడా వ్యవహరిస్తే సాహిత్యంలో వారి స్థానం సుస్థిరమవుతుంది.

ఈ ఇతివృత్తాలు సినిమా పరిభాషలో ఫార్ములా కథలుగా మారిపోయాయి నిజానికి.

కానీ అవి నిజ జీవిత ప్రతీకలే.

చాలా ఏళ్ల తర్వాత తెలుగులో లభ్యమవుతున్న ఈ పుస్తకాలను మిస్‌ కాకండి.

- వసంత

(ఆదివారం ఆంధ్రజ్యోతి సౌజన్యంతో)

ఘంటారావం, పేజీలు, 186, వెల: రూ.100

అజేయుడు, పేజీలు, 404, వెల: రూ.160

అనువాదం: సూరం పూడి సీతారాం.

For EBooks. Pl Click : KINIGE.COM

...

సత్యానికీ, మిథ్యకీ మధ్య ...

2011-11-02T08:33:00.002+05:30

సత్యానికీ, మిథ్యకీ మధ్య ...

...

చరిత్రపుటలకు ఎక్కని చరితార్థులకు మన దేశంలో లోటు లేదు.

జనం నోళ్లలో (నిజానికి హృదయాలలో) పాటల రూపంలో, గాథల రూపంలో వారి చరిత్ర మౌఖికంగా వినిపిస్తూనే ఉంటుంది.

అ లాంటి వీరులు, వీరవనితల గురించిన కథలు మనకూ ఉన్నాయి.

ద్వారబంధాల చంద్రారెడ్డి, అ ల్లూరి సీతారామరాజు, చిన్నపరెడ్డి వంటి వారిపైనా, బీర్సా ముండా వంటి వారి చుట్టూ అనేక కట్టు కథలు చుట్టుముట్టి ఉంటాయి.

శాస్త్రీయంగా జరిగే చరిత్ర రచనలో స్థల పురాణాల పాత్ర వాస్తవాల నడుమ చెదిరిన లంకెను కూర్చడానికి మాత్రమే పరిమితం.

అంతేగానీ స్థలపురాణమే చరిత్ర కాదు.

కానీ హెచ్‌బీటీ వెలువరించిన ''వీరనారి ఝాన్సీ ఝల్‌కారీబాయి'' స్థలపురాణానికి సమీపంగానే ఉంది తప్ప, చరిత్ర లక్షణాలను పూర్తిగా సంతరించుకోలేకపోయింది.

ఝాన్సీ లక్ష్మీబాయికి సమకాలీనురాలైన ఝల్‌కారీ యుద్ధవేళ తానే రాణినని కంపెనీ సేనను ముప్పు తిప్పలు పెట్టిందని ఇందులో కనిపిస్తుంది. చిరుతను చంపడం, ఆవు దూడ ఉదంతం, కోట ఆక్రమణ వేళ కనిపించిన ప్రతి తెల్ల సైనికుడి తలను నరకడం వంటి ఘట్టాలు స్థలపురాణాల స్థాయివే తప్ప చారిత్రక వాస్తవాలు అనిపించుకోలేవు. చరిత్ర రచనలో దినుసులు కాలేవు.

ఝల్‌కారీ గురించిన ప్రస్తావన చాలా పుస్తకాలలో ఉన్నదని ఒక పక్క చెబుతూనే ఆమె చరిత్ర మరుగున పడిందని ప్రచురణకర్తలు భావించడం వింతగా ఉంది. ఝాన్సీ ప్రాంతంలో దొరుకుతున్న ఝల్‌కారీ చారిత్రక విశేషాలను సరిగా మథించకుండా ఇలాంటి పుస్తకం రాయడం వల్ల అంతటి చారిత్రక మహిళను ఈ తరానికి పరిచయం చేయాలన్న లక్ష్యం నెరవేరదు.

పుస్తక ముఖచిత్రం రమణీయంగా ఉంది. కానీ ఝల్‌కారీభాయి అంటూ అట్ట శీర్షికలో కనిపించే తప్పు మీద దృష్టి పడితే ఆ ఆనందం కూడా మిగలదు. హిందీలో మోహన్‌దాస్‌ నైమిశ్‌ రాయ్‌ రాసిన ఈ పుస్తకాన్ని డాక్టర్‌ జీ.వీ. రత్నాకర్‌ తెలుగులోకి అనువదించారు.

- కల్హణ

(సాక్షి దినపత్రిక తేది31-10-2011 సౌజన్యంతో)

అ లనాటి ఫ్రెంచి సమాజం

2011-11-01T16:42:00.004+05:30

...

కొన్ని రచనలకు కాలదోషం వుండదు.

అ లెగ్జాండర్‌ ద్యుమా నూటయాభై ఏళ్లనాడు రచించన 'అజేయుడు' ఇప్పటికీ అజేయంగా పాఠకుల్ని

అ లరిస్తూనే వుంది.

కథానాయకుడి వీరోచిత వ్యక్తిత్వం హాలీవుడ్‌ నుంచి టాలీవుడ్‌ దాకా అనేకానేక పాత్రలకు స్ఫూర్తినిచ్చింది.

అ లనాటి ఫ్రెంచి సమాజాన్నీ, రాజకీయాల్నీ కళ్లకు కట్టే రచన ఇది. అరవై అయిదేళ్ల క్రితం సూరంపూడి సీతారాం

తెలుగులోకి అనువదించారు.

హైదరాబాద్‌ బుక్‌ ట్రస్ట్‌ వారు క్లుప్తీకరించి అందిస్తున్నారు.

పదిహేనవ శతాబ్దపు 'పారిస్‌ నగరాన్ని పునరుజ్జీవింపచేసిన మరో నవల ''హంచ్‌బాక్‌ ఆఫ్‌ నోత్రెదామ్‌''.

దీన్ని 'ఘంటారావం' పేరుతో సీతారాం తెలుగు చేశారు.

ఈ రెండు పుస్తకాలనీ చదవడం గొప్ప అనుభూతి.

- స్వామి (ఈనాడు ఆదివారం 30 అక్టోబర్‌ 2011 సౌజన్యంతో)

ఘంటారావం- రచన: విక్టర్‌ హ్యూగో, పేజీలు:186 వెల: రూ. 100

అజేయుడు - రచన: అ లెగ్జాండర్‌ ద్యుమా, పేజీలు: 404, వెల: రూ.160

తెలుగు అనువాదం: సూరంపూడి సీతారాం

For EBooks Pl Click: KINIGE.COM

...

కేంద్ర సాహిత్య అకాడెమీ పురస్కార గ్రహీతలకు వంగూరి ఫౌండేషన్‌ ఆఫ్‌ అమెరికా వారి సత్కారం

2011-10-27T16:27:00.013+05:30

...

1961 నుంచీ ఇప్పటి వరకూ కేంద్ర సాహిత్య అకాడమీ పురస్కారాలు అందుకున్న తెలుగు కవులూ, రచయితలూ, అనువాదకులను వంగూరి ఫౌండేషన్‌ ఆఫ్‌ అమెరికా వారు తమ 17వ వార్షికోత్సవం సందర్భంగా ఘనంగా సత్కరించారు.

హైదరాబాద్‌ చిక్కడపల్లిలోని శ్రీ త్యాగరాయ గాన సభలో 23 అక్టోబర్‌ 2011 న డా.సి.నారాయణరెడ్డి గారి చేతుల మీదుగా ఈ కార్యక్రమం విలక్షణరీతిలో జరిగింది. డా. సినారెతో పాటు డా. ఎన్‌. గోపి, శ్రీ ఇంద్రగంటి శ్రీకాంత శర్మ, గొల్లపూడి మారుతీరావు, శ్రీజొన్నవిత్తుల రామలింగేశ్వరరావు, శ్రీ వంగూరి చిట్టెన్‌ రాజు, శ్రీ వంశీ రామరాజు, డా. తెన్నేటి సుధాదేవి, శ్రీ ద్వానా శాస్త్రి ప్రభృతులు కార్యక్రమంలో పాల్గొన్నారు. శ్రీ వంగూరి చిట్టెన్‌ రాజు రచించిన ''అమెరి 'కాకమ్మ' కథలు'' పుస్తకాన్ని సభలో ఆవిష్కరించారు.

తెలుగుకు ప్రాచీన భాషా ప్రతిపత్తి లభించిన సందర్భంగా కేంద్ర ప్రభుత్వం ప్రారంభించనున్న తెలుగు భాష విశేష అధ్యయన పీఠాన్ని మైసూర్ లో కాకుండా హైదరాబాద్ లో ఏర్పాటు చేయాలని సభ ఏకగ్రీవంగా తీర్మానించింది.

కేంద్ర సాహిత్య అకాడెమీ పురస్కార గ్రహీతలలో -

ఆచార్య చేకూరి రామారావు (చేరా),
డా. ఎన్‌.గోపి,
డా.కేతు విశ్వనాథరెడ్డి,
డా.భూపాల్‌ రెడ్డి (భూపాల్‌),
శ్రీ ప్రభాకర్‌ మందార
మొదలైన వారితో హైదరాబాద్‌ బుక్‌ ట్రస్టుకు ఆత్మీయమైన అనుబంధం వుంది.

2009 సంవత్సరానికి గాను కేంద్ర సాహిత్య అకాడమీ వారి అనువాదక బహుమతి పొందిన ''ఆంధ్రప్రదేశ్‌ దళిత ఉద్యమ చరిత్ర'' పుస్తకాన్ని హైదరాబాద్‌ బుక్‌ ట్రస్టే ప్రచురించిందన్న విషయం విదితమే.

ఈ శుభ సందర్భంగా కేంద్ర సాహిత్య అకాడెమీ పురస్కార గ్రహీతలందరికీ మా హృదయపూర్వక అభినందనలు తెలియజేస్తున్నాం.
...

డాక్టర్. చేరా

డాక్టర్ కేతు విశ్వనాధ రెడ్డి

డాక్టర్ ఎన్. గోపి

శ్రీ ప్రభాకర్ మందార

డాక్టర్ ఎం . భూపాల్ రెడ్డి (భూపాల్)

ముఖ్య అతిధి, సత్కర గ్రహీత డాక్టర్ సి. నారాయణ రెడ్డి

సత్కార గ్రహీతలు:
కేంద్ర సాహిత్య అకాడమీ పురస్కార గ్రహీత ... సంవత్సరం ... గ్రంథం పేరు... వరుసక్రమంలో
1. కళాప్రపూర్ణ బాలాంత్రపు రజనీకాంతారావు... 1961 ... ఆంధ్రవాగ్గేయకార చరిత్రము
2. జ్ఞానపీఠ్‌ అవార్డు గ్రహీత, పద్మభూషణ్‌ డా.సి.నారాయణరెడ్డి ... 1973 ... మంటలూ మానవుడూ (వచన కవితా సంపుటి)
3. కళాప్రపూర్ణ రావూరి భరద్వాజ ... 1983 ... జీవన సమరం (స్కెచ్‌)
4. డా.కె. శివారెడ్డి ...................... 1990 ... మోహనా ఓ మోహనా (కవితా సంపుటి)
5. శ్రీమతి మాలతీ చందూర్‌ .......... 1992 ... హృదయనేత్రి (నవల)
6. డా.యార్లగడ్డ లక్ష్మీ ప్రసాద్‌ ....... 1992 ... తమస్‌ (హిందీ నుండి తెలుగు అనువాదం)
7. డా.పి.ఆదేశ్వరరావు .............. 1994 ... అమృతం-విషం (హిందీ నుండి తెలుగు అనువాదం)
8. శ్రీ కాళీపట్నం రామారావు ....... 1995 ... యజ్ఞంతో తొమ్మిది (కథలు)
9. పద్మశ్రీ ఆచార్య పుల్లెల శ్రీరామచంద్రుడు ... 1996 ... కావ్య ప్రకాశం (సంస్కృతం నుండి తెలుగులోకి అనువాదం)
10. డా.కేతు విశ్వనాథరెడ్డి ....................... 1996 ... కేతు విశ్వనాథరెడ్డి కథలు
11. డా.ఐ.పాండురంగారావు .................... 1998 ... అనువాద సాహిత్యం
12. డా.ఎన్‌. గోపి ................................... 2000 ... కాలాన్ని నిద్రపోనివ్వను (కవితా సంపుటి)
13. డా.ఆర్‌.అనంత పద్మనాభ రావు ... 2000 ... ఛాయా రేఖలు (ఆంగ్లం నుండజీటి తెలుగు అనువాదం)
14. ఆచార్య రవ్వా శ్రీహరి ................. 2001 ... ప్రపంచపది (డా.సినారె ప్రపంచపదులు సంస్కృతంలోకి అనువాదం)
15. శ్రీ పింగళి సూర్య సుందరం .......... 2001 ... ఆత్మ సాక్షాత్కారం (రమణ మహర్షి జీవిత చరిత్ర, బోధనలు - ఆంగ్లం నుండి తెలుగు అనువాదం)
16. ఆచార్య చేకూరి రామారావు ........ 2002 ... స్మృతికిణాంకం (విమర్శ)
17. శ్రీ దీవి సుబ్బారావు .................. 2002 ... మాటన్నది జ్యోతిర్లింగం (కన్నడం నుండి తెలుగు అనువాదం)
18. ఆచార్య బేతవోలు రామబ్రహ్మం ...... 2003 ... దేవీ భాగవతం (సంస్కృతం నుండి తెలుగులోకి అనువాదం)
19. డా.డి.నవీన్‌ (అంపశయ్య నవీన్‌) ... 2004 ... కాలరేఖలు (నవల)
20. ఆచార్య గంగిశెట్టి లక్ష్మీనారాయణ ... 2004 ... పర్వ (కన్నడం నుండి తెలుగులోకి అనువాదం)
21. శ్రీమతి అబ్బూరి ఛాయాదేవి .......... 2005 ... తన మార్గం (కథలు)
22. డా.జి.ఎస్‌.మోహన్‌ .................... 2005 ... మాస్తి (కన్నడం నుండి తెలుగు అనువాదం)
23. శ్రీ మునిపల్లె రాజు ...................... 2006 ... అస్తిత్వనదం ఆవలి తీరాన (కథలు)
24. శ్రీ చిట్టిప్రోలు కృష్ణమూర్తి ............... 2008 ... పురుషోత్తముడు (పద్యకావ్యము)
25. శ్రీ వాడ్రేవు చినవీరభద్రుడు ............ 2008 ... ఒక విజేత ఆత్మకథ (అబ్దుల్‌ కలాం - ఆంగ్లం నుండి తెలుగు అనువాదం)
26. పద్మశ్రీ డా.యార్లగడ్డ లక్ష్మీప్రసాద్‌ ... 2009 ... ద్రౌపది (నవల)
27. శ్రీ ప్రభాకర్‌ మందార ................... 2009 ... ఆంధ్రప్రదేశ్‌ దళిత ఉద్యమ చరిత్ర (ఆంగ్లం నుండి తెలుగు అనువాదం)
28. శ్రీ సయ్యద్‌ సలీం ....................... 2010 ... కాలుతున్న పూలతోట (నవల)
29. శ్రీ జిల్లేళ్ల బాలాజీ ...................... 2010 ... కళ్యాణి (తమిళం నుండి తెలుగు అనువాదం)
30. డా.ఎం.భూపాల్‌రెడ్డి (భూపాల్‌) ... 2011 ... ఉగ్గుపాలు (కథలు- బాలసాహిత్యం)

...

నేను భంగీని

2011-10-25T13:12:00.005+05:30

... అవును నేను అంటరానివాన్ని.
నేను ఈ రోజు నా కథని వినిపించాలనుకుంటున్నాను.
నా కథ, నా భాష మీరు ఇంతకు ముందు వినివుండరు.
నా కథని ఎవరూ రాయలేదు.
నేను సమాజపు చిట్టచివరి అంచున వున్నవాణ్ని.
చెత్త కుండీని.
మురికిబట్టిన పనికిరాని చెత్తని ఇందులో విసిరివేస్తారు. మూగవానిగా, కాళ్ల కింది గడపగా మార్చబడిన ఈ సమాజంలోని మనిషిని.
ప్రతి మనిషీ నాపై అడుగులేసి ఇంట్లోకి వెళ్తాడు. కానీ నాకు మాత్రం ఇంట్లోకి ప్రవేశం లేదు. ....
...

ఇదో అంటరానివాడి చరిత్ర
నేను అంటరానివాన్ని.
నేను పాకీవాన్ని.
నేను ఛండాలుడిని.
మ్లేచ్ఛుడిని అని అంటున్నాడు ఈ వ్యక్తి.
ఇతను ఎవరు?
చరిత్ర వున్నవాడు కానీ చరిత్రలో లేనివాడు.
అక్షరాలు తెలియనివాడు. జ్ఞానం లేనివాడు. అచ్చమైన మూలవాసి.

ఆయుధాలు పట్టినవాడు. పోరాటాలు చేసినవాడు. నెత్తురు పారించినవాడు.
కిరీటాలు మార్చిన వాడు, తలకాయలు కత్తిరించినవాడు.
సామ్రాజ్యాలు స్థాపించినవాడు. పడిపోతున్న సింహాసనాలకి ప్రాణాలు పోసినవాడు.
రాజ్యాన్ని నిలబెట్టడంలో,
రాజ్యాన్ని పడగొట్టడంలో ప్రధానమైన పనిముట్టు ఇతను.

''నీళ్లు జీవితాన్నిస్తాయి.
కానీ నాకు మాత్రం నీళ్లు బానిస సంకెళ్ళు.
ప్రకృతిలో నీరూ, గాలీ మీద అందరికీ సమాన హక్కులున్నాయంటారు...
కానీ హిందూ సమాజంలో నీళ్లపై హక్కు కూడా నాకు దక్కకుండా చేశారు''
అని అంటున్నాడు ఈ మనిషి.

అశుద్ధాన్ని , మురికిని, పెంటని వీధుల నుండి, గ్రామం నుండి వేరు చేస్తూ... అద్దంలా ఊరిని తయారుచేస్తూ, తాను అశుద్ధ మానవుడుగా మారి అసహ్యంతో, రోగాలతో, అశుభ్రతతో దగ్గీ దగ్గీ ప్రాణాలు తీసుకుంటున్న అధోజగత్‌ సహూదరుల చరిత్ర ఇది.

అందుకే ఇది అంటరానివారి చరిత్ర.
ఇందులో భగవాన్‌ బుద్ధుడు వస్తాడు.
అనన్య సామాన్యమైన ఆయన బోధనలు వినిపిస్తాయి.
ఈ దేశానికి రాజ్యాంగం రాసిన దిక్సూచి బాబా సాహెబ్‌ డా. అంబేడ్కర్‌ వస్తాడు.
బోధించు, పోరాడు, సమీకరించు, విప్లవించు అనే ఆయన బోధనలు వినిపిస్తాయి.

అంటరానివాడు అంటరానివాడిగానే ఊరిబైట అ లాగే మగ్గాలి అనే దొంగ సాధువులు, మహాత్ములు కనిపిస్తారు.
వారి కపట నాటకాలు ధర్మప్రభోదాలు వినిపిస్తాయి.
పురుషార్థాన్ని సాధించవచ్చు అంటూ వర్ణవ్యవస్థ జెండాకి జై కొడుతున్న సిగ్గుమాలిన దగుల్భాజీలు కనిపిస్తారు.
బుద్ధ భగవానుని ప్రవచనాల నుండి బాబాసాహెబ్‌ బోధనల వరకు అన్నింటిని వింటూ అక్షర జ్ఞానానికి దూరంగా బలహీనతలతో, అజ్ఞానంతో బతుకుతున్న అంటరాని, పాకీ సోదరుల ఈ చరిత్రని మనం వీధివీధికి తీసుకెళ్లాలి.
అందుకోసం మనవంతు కర్తవ్యాన్ని మనం నిర్వర్తించాలి అని చెప్తుంది ఈ పుస్తకం.
అందుకే దీన్ని అందరూ చదవాలి. ...

భగవాన్‌ దాస్‌ (1927-2010)
భారతదేశం తొలితరం దళిత చైతన్యానికి నిలువెత్తు ప్రతీక. కొంతకాలం అంబేద్కర్‌ వద్ద పరిశోధన సహాయకుడిగా పనిచేసిన ఆయన జీవితాంతం అంబేద్కర్‌ ఆశయాల సాధనకోసమే పాటుపడ్డారు. భంగీ (పాకీ) వృత్తికులంలో జన్మించారు. బౌద్ధాన్ని స్వీకరించిన ఆయన శాంతి కోసం ప్రపంచ మతాల సమ్మేళనం (క్యోటో, 1970) ఏర్పాటు చేయడంలో కీలక పాత్ర పోషించారు. 1983లో అంటరానితనం, దాని అమానుషాల గురించి ఐక్య రాజ్య సమితి వేదిక మీద ప్రసంగించారు.

డా. జి.వి.రత్నాకర్‌
తెలుగులో మట్టిపలక, లట్లేటి అ లం కవిగా సుపరిచితుడు. హిందీ నుండి తెలుగులోకి 25 పుస్తకాలను అనువదించారు. సాక్షి మానవ హక్కుల నిఘా పత్రికకు సంపాదకులుగా పనిచేశారు. ప్రస్తుతం హైదరాబాద్‌లోని మౌలానా ఆజాద్‌ నేషనల్‌ ఉర్దూ యూనివర్శిటీ హిందీ డిపార్ట్‌మెంట్‌లో అసిస్టెంట్‌ ప్రొఫెసర్‌గా పనిచేస్తున్నారు. ...

నేను భంగీని
రచన: భగవాన్‌ దాస్‌
తెలుగు: డా. జి.వి.రత్నాకర్‌
128 పేజీలు, వెల: రూ. 80/-

ప్రతులకు, వివరాలకు:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌-500 067
ఫోన్‌: 040-23521849
ఇమెయిల్‌ : hyderabadbooktrust@gmail.com

..

రూపం-సారం ... సాహిత్యంపై బాలగోపాల్‌

2011-10-24T18:07:00.002+05:30

...
కె.బాలగోపాల్‌ (1952-2009) మానవ హక్కుల వేదిక నాయకులు, ప్రముఖ న్యాయవాది, రచయిత, వ్యాసకర్త.

మనిషి జీవితంలో సాహిత్యానికి గల పాత్రను లోతైన తాత్విక దృక్పథంతో పరిశీలించి చేసిన విశ్లేషణలు ఈ పుస్తకంలో ఉన్నాయి.

స్థిరపడిపోయిన ఎన్నో మౌలిక భావనలను, ధోరణులను ప్రశ్నిస్తూ విస్తారమైన అన్వేషణ సాగించారాయన. సాహిత్యంపై చెదురుమదురుగానే అయినా చిక్కగా రాసిన వ్యాసాలు, సమీక్షలు, ముందుమాటలు, ఇంటర్వ్యూల సంకలనమిది.

''దేనికయినా ఒక్క వాక్యంలో నిర్వచనం ఇవ్వడంలో సమస్యలున్నాయి గానీ సాహిత్యం పాత్రను ఒక్క వాక్యంలో నిర్వచించమంటే , జీవితంలోని ఖాళీలను పూర్తిచేయడం సాహిత్యం పాత్ర అని చెప్పవచ్చు.''

''మన కళ్లముందు ఉండీ మనం చూడని, చూడజాలని విషయాలనేకం ఉంటాయి. కొన్ని భయం వల్ల చూడం. కొన్ని అభద్రత వల్ల చూడం. కొన్ని ఒక బలమైన భావజాలం ప్రభావం వల్ల మన ఎదుట ఉండీ మనకు కనిపించవు. ఒక్కొక్కసారి మనకు అ లవడిన దృక్కోణం వల్లగానీ, మనం ఎంచుకున్న దృక్కోణం వల్లగానీ కొన్ని విషయాలు కళ్లముందే ఉండీ కనిపించవు. వీటిలో విడివిడి విషయాలే కావు, సామాజిక క్రమాలు కూడా ఉంటాయి. వీటిని మనకు చూపించడం సాహిత్యం చేసే పనులలో ఒకటి.''

''సాహిత్యాన్ని కేవలం ఉద్యమాల నేపథ్యంలో చర్చించడం పొరబాటు. ఉద్యమాలు మానవ జీవితంలో ఎప్పుడూ ఒక చిన్న భాగం మాత్రమే. సాహిత్యం పాత్ర దానికి పరిమితం కాదు. అది జీవితమంత విస్తృతమైనది.''

... ... ...

మా మాట

తెలుగు సాహిత్యానికి ఇది చాలా విలువైన పుస్తకమవుతుందని మా నమ్మకం.
ఆరేడు సాహిత్య వ్యాసాలతో పాతికేళ్ల క్రితం వచ్చిన ''రూపం-సారం'' తరువాత బాలగోపాల్‌ సాహిత్య వాస్యాసాలు ఇంతవరకూ సంకలనంగా వెలువడలేదు. బాలగోపాల్‌ను ప్రధానంగా రాజకీయ వ్యాఖ్యాతగా భావించేవాళ్లు ఆయన ఆలోచనల తాత్విక మూలాలు ఆయన సాహిత్య పరిశీలనలలో ఉన్నాయని గుర్తించడానికి ఈ పుస్తకం దోహదం చేస్తుంది.

మనిషి జీవితంపై, సమాజ జీవితంపై ప్రతీ మలుపులోనూ వెలుగులు ప్రసరించి అన్ని పార్శ్వాలనూ మనకు చూపించగల శక్తి సాహిత్యానికి మాత్రమే ఉందని నమ్మిన వ్యక్తి బాలగోపాల్‌. మనం మన సందిగ్ధాలను, సంశయాలను లోతుగా నిజాయితీగా పరిశీలించుకునేందుకు ఈ వ్యాసాలు తోడ్పడతాయి.

ఈ పుస్తకాన్ని సంకలనం చేయడం మేము అనుకున్నదానికన్నా చాలా పెద్దపనయింది. మొదటిసారి ఈ వ్యాసాలు అచ్చయిన పత్రికలు దొరకక, దొరికిన వాటిల్లో అనేక తప్పులు, పేరాలకు పేరాలు ఎగిరిపోవడం, అనువాద కష్టాలు వంటి ఇబ్బందులు ఎదురవడంతో గత అక్టోబర్‌కి తీసుకువద్దామనుకున్న పుస్తకాన్ని ఈ అక్టోబర్‌కి తీసుకురాగలిగాం.

ఇందులో అయిదు ఇంగ్లీషు వ్యాసాలను అనువదించిన మృణాళిని, వసంతలక్ష్మిలకు, వ్యాసాల సేకరణ, పరిష్కారంలో తోడ్పడిన మన్నం బ్రహ్మయ్య, ఆర్‌.కె., ఎన్‌. వేణుగోపాల్‌లకు, ముందుమాట రాసిచ్చిన కె. శ్రీనివాస్‌కు కృతజ్ఞతలు.

రూపం-సారంకి చేరా, కెవిఆర్‌, త్రిపురనేని మధుసూదనరావులు రాసిన ముందుమాటల్ని, బాలగోపాల్‌ ఆంగ్ల వ్యావాసలను (అనువాద ఒరిజినల్స్‌) కూడా అనుంబంధాలుగా ఇందులో చేర్చాం.

- హైదరాబాద్‌ బుక్‌ ట్రస్ట్‌
1 అక్టోబర్‌ 2011

రూపం-సారం
సాహిత్యం పై బాలగోపాల్‌
339 పేజీలు, వెల: రూ.150

ప్రతులకు, వివరాలకు:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌-500 067

ఫోన్‌: 040-2352 1849

ఇమెయిల్‌ : hyderabadbooktrust@gmail.com

మతాలపై వైజ్ఞానిక విశ్లేషణ

2011-10-24T14:51:00.002+05:30

... మత విశ్వాస పరిణామాలను వైజ్ఞానికంగా విశ్లేషించిన వ్యాసాల కూర్పు ఇది. ప్రకృతి శక్తులకు తలొగ్గి దినదినగండంగా బతికిన ఆదిమానవులకు మత భావనలు మంచే చేశాయి. వారి మధ్య ఐకమత్యం పెంచి సామూహిక పద్ధతిలో ఆశావాద దృక్పథాన్ని కలిగించాయి. అయితే లాభనష్టాలను బేరీజు వేసినప్పుడు మత విశ్వాసాల ద్వారా సమకూరేఉపయూగాలేవీ ఇన్‌హేలర్ల స్థాయిని మించవని రచయిత కొడవటిగంటి రోహిణీప్రసాద్‌ విస్పష్టంగా చెబుతారీ పుస్తకంలో! అవి వ్యక్తిగత, సమాజ ఆరోగ్యానికి పట్టిన జలుబును ఎంత మాత్రం తగ్గించవనీ, పైగా 'సైడ్‌ ఎఫెక్ట్స్‌' ప్రమాదకరమైనవనీ వివరిస్తారు. ఈ క్రమంలో సాంస్కృతిక చరిత్రకున్న భిన్న పార్శ్వాలను స్థూలంగా ప్రస్తావిస్తారు రచయిత. ప్రాచీన నాగరికతలూ, దేశధేశాల్లోని విశ్వాసాలూ, అవశేషాల విశేషాల గురించి ఆకట్టుకునే చిత్రాల సాయంతో వివించారు. ఉద్వేగాలకు తావివ్వకుండా, సిద్ధాంతాల ప్రమేయం లేకుండా సాగిన ఈ వ్యాసాల శైలి సులభంగా, సూడిగా ఉండి ఆసక్తికరంగా చదివిస్తుంది.
- వేణు (ఈనాడు ఆదివారం 23 అక్టోబర్‌ 2011 సౌజన్యంతో)

మనుషులు చేసిన దేవుళ్లు
రచన: కొడవటిగంటి రోహిణీప్రసాద్‌

పేజీలు: 196; వెల: రూ. 100/-
ప్రతులకు :
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడి మల్కాపూర్‌, హైదరాబాద్‌ 500 ౦౬౭

...

' నేనే బలాన్ని ..... ' టి.ఎన్‌. సదాలక్ష్మి బతుకు కథ ... పుస్తక సమీక్షా సభ ... నీలి జెండా నివేదిక

2011-10-03T18:20:00.005+05:30

'నేనే బలాన్ని - టి.ఎన్‌.సదాలక్ష్మి బతుకు కథ' పుస్తకం 60 ఏళ్ల సాంఘిక, రాజకీయ చరిత్రకు దర్పణం వంటిదనీ, నేటి నాయకులు తప్పక చదవవలసిన గ్రంథమనీ డా.బి.ఆర్‌.అంబేడ్కర్‌ సార్వత్రిక విశ్వవిద్యాలయం ఆచార్యులు ప్రొ.ఘంటా చక్రపాణి అన్నారు.

అన్వేషి, హైదరాబాద్‌ బుక్‌ ట్రస్ట్‌ సంయుక్తంగా ప్రచురించిన ఈ పుస్తక సమీక్షా సదస్సు సెప్టెంబర్‌ 6న హైదరాబాద్‌ ప్రెస్‌ క్లబ్‌లో జరిగింది.

సదాలక్ష్మి రాజీపడని మనస్తత్వం గల నాయకురాలనీ, ఈ గ్రంథంలో రచయిత్రి గోగు శ్రామల మొత్తం సమాజాన్ని కూడా విశ్లేషణ చేశారనీ అన్నారు. మురికివాడల నుంచి పైకి వచ్చిన నిప్పుకణిక సదాలక్ష్మి అని కొనియాడారు. 1969లో తెలంగాణ సమస్యపై జె. ఈశ్వరీబాయి, సదాలక్ష్మి ప్రభుత్వంపై విరుచుకుపడేవారని చక్రపాణి అన్నారు.

ఈ గ్రంథంపై విస్తృతంగా చర్చ జరగాలని ప్రముఖ రచయిత్రి జూపాక సుభద్ర అన్నారు. వివిధ కోణాల నుంచి సదాలక్ష్మి జీవితాన్ని విశ్లేషణ చేయాలన్నారు.

సుశీతారు (ఇఫ్లూ యూనివర్సిటీ) మాట్లాడుతూ రాజకీయ నాయకుల జీవిత చరిత్రల్లో సదాలక్ష్మి వంటి అణగారిన వర్గాల నాయకుల చరిత్రలు చోటు చేసుకోలేకపోవడం, కుల వివక్షకు తార్కాణమన్నారు.

సదాలక్ష్మి కుమారుడు డా. వంశీ తిలక్‌ పుస్తకాన్ని సమీక్షిస్తూ ఆమెకు ఆమె భర్త టి.వి. నారాయణ ప్రథమ గురువు అనీ, ఆమె జీవితంలో అనేక నాటకీయ విజయగాథలు ఉన్నాయని చెప్పారు. కొన్ని విలువలకు కట్టబడిన నాయకురాలనీ, ధనాశకు పోలేదనీ అన్నారు.

తెలంగాణ మహిళా మేధావుల, రచయితల వేదికకు చెందిన డా. టి. దేవకీదేవి మాట్లాడుతూ సదాలక్ష్మి స్త్రీ కావడం వల్లా, అందులో దళిత స్త్రీ కావడం వల్లా, అందులోనూ అట్టడుగు కులంలో జన్మించినందువల్లా రావలసినంత రాణింపు రాలేదన్నారు.

ఉస్మానియా విద్యార్తి జెఎసికి చెందిన బాలలక్ష్మి మాట్లాడుతూ తెలంగాణా సాహిత్యంలో ఈ పుస్తకం చెప్పుకోతగ్గదన్నారు.

సదాలక్ష్మి భర్త డా.టి.వి.నారాయణ గ్రంథాన్ని సమీక్షిస్తూ ఆమె జీవితం ఒడుదొడుకులతో గడిచిందన్నారు. రాష్ట్ర సాంఘిక సంక్షేమ, దేవాదాయ శాఖల మంత్రిగా విశేష సేవలందించారని చెప్పారు. కాంగ్రెస్‌పై విసుగుచెంది జగ్జీవన్‌రాం పిలుపు మేరకు 'జనతా పార్టీ'లో చేరిందనీ, ఆ తర్వాత తెలుగుదేశం పార్టీకి రాష్ట్ర ఉపాధ్యక్షులయ్యారనీ చెప్పారు. ఆమె రాజకీయ జీవితంలోని ఎత్తుపల్లాలను డా. నారాయణ ఎత్తి చూపారు. ఎప్పుడూ ఆమె వెనుక ఒక పురుషుడు ఉన్నట్లు అనిపించేదికాదనీ, తనకు ఇంకెవరి బలం అక్కరలేని బలవంతురాలనీ ఆమెను కొనియాడారు. ఈ పుస్తకం స్ఫూర్తితో
తనుకూడా తన జీవిత చరిత్రను రాయడానికి పూనుకున్నట్లు చెప్పారు.

పుస్తక రచయిత్రి శ్రీమతి గోగు శ్యామల స్పందిస్తూ దళితులు ఎవరికి వారు తమ చరిత్రలు రాసుకోవాలనీ, అట్లా చేయకపోవడం వల్ల దళిత చరిత్రలో అనేక చారిత్రక అంశాలు చోటు చేసుకోలేదనీ చెప్పారు. తన కుటుంబాన్నీ, శాసన సభనీ ఒకే ధాటిన పెట్టిన ధీశాలిగా సదాలక్ష్మిని కొనియాడారు. ఈ పుస్తక రచనకు ఏడు సంవత్సరాలు పట్టిందన్నారు. పుస్తక రచనకు తోడ్పడిన వారందరికీ - ముఖ్యంగా లలిత (అన్వేషి), హైదరాబాద్‌ బుక్‌ ట్రస్ట్‌కు చెందిన గీతా రామస్వామికి, సదాలక్ష్మి బంధువులకు కృతజ్ఞతలు తెలియజేశారు.

సభకు లలిత అధ్యక్షత వహించారు.

- నీలిజెండా హైదరాబాద్‌ ప్రతినిధి
నీలిజెండా, పక్షపత్రిక,( సెప్టెంబర్‌ 16-30, 2011) సౌజన్యంతో
సంపాదకులు: బొజ్జా తారకం; అసోసియేట్‌ సంపాదకులు: గనుమల జ్ఞానేశ్వర్‌
వెబ్‌సైట్‌ : www.neelizenda.com

...

వీరనారి ఝల్‌కారీ బాయి

2011-10-01T11:25:00.004+05:30

వీరనారి ఝాన్సీ ఝల్‌కారీ బాయి

ఝాన్సీకి చెందిన ఝల్‌కారీ బాయి ఒక దళిత వీర వనిత. గత అనేక శతాబ్దాలుగా బుందేల్‌ఖండ్‌ (ఉత్తరప్రదేశ్‌ రాష్ట్రం)లో ప్రజలు ఆమె గురించి కథలు కథలుగా చెప్పుకుంటున్నారు. కానీ ఆమె పేరు ఇంతవరకూ చరిత్ర పుటల్లో మాత్రం స్థానం సంపాదించుకోలేకపోయింది. ఆమె చరిత్రను దళిత రచయితలే అతి కష్టం మీద కాపాడుకుంటూ వస్తున్నారు. ఆమె జీవితాన్ని, ప్రత్యేకించి ఆమె మారువేషంలో ఈస్టిండియా కంపెనీ సైన్యంతో చేసిన పోరాటాన్ని బుందేల్‌ఖండ్‌లో జానపద గీతాలుగా ప్రాచుర్యంలో వున్నాయి. ఆమె ధైర్య సాహసాలు, దళిత అస్తిత్వం ఉత్తర భారత దేశంలో దళితుల సాంస్కృతిక ఐక్యతకు దోహదం చేస్తూ గొప్ప స్ఫూర్తి నిస్తున్నాయి.

ఇవాళ ఇతర దళిత కులాలలో మాదిరిగానే కోరిస్‌ కులం వారు కూడా ఝల్కారీ బాయిని తమ కులదేవతగా కొలుస్తున్నారు. తమ స్వాభిమానాన్ని, తమ కుల ప్రతిష్టను పెంపొందించుకునేందుకు వారు ప్రతి సంవత్సరం ఝల్కారీ బాయి జయంతిని వేడుకగా జరుపుకుంటున్నారు. ఆమె కోరిస్‌ కులంలో పుట్టిన దళిత వీరాంగణ కావడం గర్వకారణంగా భావిస్తున్నారు. అందుకే ఆమె వీరోచిత పోరాటాన్ని గానం చేసేటప్పుడు వారు ఈ అంశానికి ప్రత్యేక ప్రాధాన్యత ఇస్తుంటారని సుప్రసిద్ధ విద్యావేత్త బద్రీనారాయణ్‌ అంటారు.

వివిధ దళిత సంస్థలు ప్రతి యేటా ఝల్కారీ బాయి వర్థంతిని 'షహీద్‌ దివస్‌' (మృతవీరుల సంస్మరణ దినం) గా జరుపుతున్నాయి. గ్వాలియర్‌లో ఆమె పేరిట ఝల్కారీ బాయి బాలికల కళాశాల కూడా వుంది. 2001 జులైలో భారత ప్రభుత్వ తపాలా శాఖ ఆమె స్మారకార్థం నాలుగు రూపాయల పోస్టల్‌ స్టాంపును విడుదల చేసింది. 2010లో నీలి జెండా పత్రికలో ఈ పుస్తకం సీరియల్‌గా వచ్చింది.

హైదరాబాద్‌ బుక్‌ ట్రస్ట్‌ గతంలో అయ్యంకాళీ, పండిత్‌ అయోతీదాస్‌, కొమురం భీం వంటి విస్మృత దళిత కథానాయకుల జీవిత చరిత్రలను ప్రచురించింది. ఆ పరంపరలో భాగంగా ఇప్పుడు ఈ ఝల్కారీ బాయి జీవిత గాధను సగర్వంగా సమర్పిస్తోంది.

వీరనారి ఝాన్సీ ఝల్‌కారీ బాయి
రచన: మోహన్‌ దాస్‌ నైమిశ్‌ రాయ్‌

తెలుగు: డా. జి.వి. రత్నాకర్‌
బొమ్మలు: పైడిరాజు

24 పేజీలు, వెల: రూ.30/-

ప్రతులకు, వివరాలకు:
హైదరాబాద్‌ బుక్‌ ట్రస్ట్‌,
ప్లాట్‌ నెం.85, బాలాజీ నగర్‌, గుడిమల్కాపూర్‌,
హైదరాబాద్‌ - 500067
ఫోన్‌ నెం. 040 2352 1849
ఇమెయిల్‌: hyderabadbooktrust@gmail.com

స్మశానం దున్నేరు - డా. కేశవరెడ్డి నవల ...

2011-10-01T06:02:00.003+05:30

కొన్ని మంచి నవలలు - తాపీగా చదివించి మనల్ని ఆలోచింపజేస్తాయి.
మరికొన్ని మనసును చిందరవందర చేసి, మనకు 'షాక్‌ ట్రీట్‌మెంట్‌' యిచ్చిన అనుభూతి కలుగజేస్తాయి.
''స్మశానం దున్నేరు'' సరిగ్గా యిటువంటి నవలే!

...మనదేశంలో పేదవారికి న్యాయం లభిస్తుందా?
చట్టాలు ఏం చేస్తున్నాయి?
ప్రభుత్వాధికారులు దుర్మార్గులను అణగ ద్రొక్కి సన్మార్గులకు న్యాయం కలిగిస్తున్నారా?
ప్రభుత్వాలు వున్నది ఎందుకు?
ప్రజలను రక్షించడానికా? భక్షించడానికా?

... ఇలా ఎన్నెన్నో ప్రశ్నలు - ఈ నవల చదివిన తర్వాత మనల్ని కలచివేస్తాయి.

...దోపిడీ వర్గం అభివృద్ధికి కొమ్ముకాసే వెంకటాద్రి వంటి మధ్యతరగతి వ్యక్తులు యెలాంటి పరిణామాన్ని యెదుర్కోవలసి వస్తుందో, తమకు జరిగిన ఘోరాలకు ప్రతీకారం తీర్చుకోవాలని అనుకున్నప్పుడు సంఘటిత శ్రామిక శక్తి ఏవిధంగా విజృంభిస్తుందో అద్భుతంగా చిత్రీకరించిన నవల యిది. శ్రమజీవులకు వాళ్ల హక్కులు, బాధ్యతలు గురించి 'ఎడ్యుకేట్‌' చేస్తూ, వారిని క్రమశిక్షణాయుతమైన విప్లవపథంవైపు నడిపించే - 'రాజకీయ నాయకత్వం' లేనప్పుడు - ఎలాంటి తీవ్రమైన పరిణామాలు ఏర్పడతాయో పరోక్షంగా నిరూపిస్తున్నది ఈ నవల. (ఆంధ్రజ్యోతి మాసపత్రిక, ఏప్రిల్‌1980 సమీక్ష నుంచి).

(విశాలాంధ్ర పత్రిక నిర్వహించిన పోటీలో (1980) ద్వితీయ బహుమతి పొందిన నవల ఇది)

డా.కేశవరెడ్డి చిత్తూరు జిల్లాలోని తలుపులపల్లిలో 1946 మార్చి 10న పుట్టారు. తిరుపతిలో పియుసి, పాండచ్చేరిలో ఎంబిబిఎస్‌ చేశాక నిజామాబాద్‌ జిల్లా డిచ్‌పల్లి విక్టోరియా మెమోరియల్‌ ఆసుపత్రిలో స్కిన్‌ స్పెషలిస్ట్‌గా కుష్ఠురోగులకు సేవలందించారు. ప్రస్తుతం నిజామాబాద్‌లో వుంటూ ఆర్మూర్‌లూ వైద్య సేవలు అందిస్తున్నారు. కుష్ఠువ్యాధిపై వీరు రాసిన పరిశోధనా పత్రాలు పలు జాతీయ అంతర్జాతీయ మెడికల్‌ జర్నల్స్‌లో ప్రచురితమయ్యాయి.

పాతిక సంవత్సరాలుగా పీడితజన పక్షపాతంతో, దళితుల సమస్యల పట్ల సానుతాపంతో రాయలసీప గ్రామీణ జీవిత సంఘర్షణే ఇతివృత్తంగా రచనా వ్యాసంగాన్ని కొనసాగిస్తున్నారు. బానిసలు, భగవానువాచ, అతడు అడవిని జయించాడు, రాముడుండాడు రాజ్జిముండాది, మూగవాని పిల్లలన గ్రోవి, చివరి గుడిసె, సిటీ బ్యూటిఫుల్‌, ఇన్‌క్రెడిబుల్‌ గాడెస్‌, మునెమ్మ వీరి ఇతర రచనలు. అతడు అడవిని జయించాడు నవలను నేషనల్‌ బుక్‌ ట్రస్ట్‌ వారు 14 నారతీయ భాషల్లోకి అనువదించారు. ఇన్‌క్రెడిబుల్‌ గాడెస్‌ నవల మరాఠీలోకి అనువాదమైంది.

తన రచనా స్పర్శతో బాధల గాయాలు స్పృశించి, హృదయాలను తేలికపరచడం, అనివార్యమైన జీవిత పోరాటానకి ఉపక్రమించపజేయటమే తన లక్ష్యమని వినమ్రంగా చెప్పే వీరిది వర్ణాంతర, మతాంతర వివాహం. కొడుకూ , కూతురూ సంతానం.

...

స్మశానం దున్నేరు
రచన : డా. కేశవరెడ్డి
ముఖచిత్రం: కాళ్ల
160 పేజీలు, వెల: రూ.80/-
ప్రతులకు, వివరాలకు:
హైదరాబాద్‌ బుక్‌ ట్రస్ట్‌,
ప్లాట్‌ నెం.85, బాలాజీ నగర్‌, గుడిమల్కాపూర్‌,
హైదరాబాద్‌ - 500067
ఫోన్‌ నెం. 040 2352 1849
ఇమెయిల్‌:hyderabadbooktrust@gmail.com

ఊరు వాడ బతుకు - పుస్తక పరిచయం - అనంత్ ...

2011-09-28T15:30:00.009+05:30

ఈ యువ రచయిత తొలి రచన ఊరూవాడా బతుకు వెయ్యి ఆత్మలు చెప్పుకున్న కతల కమలం. ఇటీవల తెలుగులో నచ్చిన ఆత్మకతలలో గడియారం రామకృఫ్ణ శర్మ శతపత్రం ఒకటి. గడియారం రామకృఫ్ణ శర్మ తన శ్వేతపత్రానికి ఒక్కో రెక్కా అమరుస్తున్న కాలంలో ఆయనతో నేను చాలా సార్లు ముచ్చటించాను. ముచ్చటించిన ప్రతి సందర్భంలోనూ నేనన్నది ఒకే మాట. అది నాకిప్పటికీ గ్నాపకం.
"మీరు చరిత్ర రాయడం మానేసి గ్నాపకాలు రాయండి" అని.
"నీవన్నంత సులభం కాదు వాటిని విడదీయడం" అన్నట్టు నవ్వారు. ఆయన అవేవీ రాయలేదు తన శతపత్రంలో.
మరోసారి కలిసినపుడు మళ్ళీ నిలదీసాను.
"ఎన్నని రాస్తాం"- అని పెదవి విరిచారు.
"ఏది రాయకూడదనుకుంటున్నారు మీరు" - అడిగాను
సమాధానంగా అద్భుతమైన అనిక్ డోట్స్ చెప్పారు.
"రాయండి ఇవన్నీ"- అన్నాను.
"ఓపిక లేదు. అనుకున్నదే రాయలేకపోతున్నాను"-అని తన పెన్షన్ క్లియరెన్స్ కోసం రాసిన పేద్ద ఉత్తరం ఇచ్చారు.
అలా శతపత్రంలో రెక్కలు తొడగని గ్నాపకాలెన్నో.
ఆ శతపత్రం తర్వాత దేవులపల్లి కృష్ణమూర్తి రాసిన ఈ శ్వేతపత్రం చదువుతుంటే బిగ్ ఫిష్ సినిమా గుర్తుకువస్తుంది.
ఈ రెండు కథల్లాంటి ఆత్మల్లో అదొక్కటే పోలిక.
గడియారం రామకృఫ్ణ శర్మ లోకానికి తన శ్వేతపత్రం సమర్పించక ముందే అతని జీవితానికి వేల రెక్కలు తొడిగిన కమలమ్మ సెలవంటూ వెళ్ళిపోయింది.
తెల్లారిన వేళ పొడిచిన చందమామతో మొదలై కలికి గాంధారి వేళ విరిసిన కమలంతో ముగుస్తుంది దేవులపల్లి కృష్ణమూర్తి గాధ. అక్కడా ఇక్కడా రెక్కల లెక్క మాత్రం వందే. ఆ వందే మా తరమ్ కాదు.

ఇది పితృస్వామ్యం. కాబట్టే నేను సీమవాసిని అయ్యాను. కానీ ననుకన్న గొట్టుముక్కుల సామ్రాజ్యలక్ష్మిది కొల్లాపురమే. తల్లి తెలంగాణ. పిత్రార్జితమే తెలంగాణ.మగ్గాల లడీల మారు మోతల నడుత గడిచింది కోడుమూరులో నా బాల్యం. ఎమ్మిగనూరు నుంచి కోడుమూరు వరకు నేశోళ్ళే నా నేస్తులు. కొత్త సామాజిక బాధ్యత నెత్తిన వేసుకున్నట్టు పోజు కొట్టే చాలా మంది ఆత్మకతాత్మక రచయితల్లా కాకుండా నింపాదిగా, నిమ్మలంగా, సాదాసీదాగా పూసగుచ్చినట్టు గ్నాపకాలను గుర్తుకు తెస్తున్న కొత్త నేస్తమే ఈ దేవులపల్లి కృష్ణమూర్తి.

గూగుల్ సెర్చ్ లో అస్సలు దొరకదీ గుల్ మొహర్ గ్రామం. పేరు అనంతారం. మొదటి పేజీ మొదలు పుస్తకం తిప్పుతుంటే బ్యాక్ గ్రౌండ్ లో దాసరి రాములు తన లోగొంతుకలో సన్నగా సందమామను పొడిపిస్తాడు. అదీ పొదలపొదల గట్ల మీంచి. అంతే... అక్కడి నుంచి మీకు పలు పాటలు రాసిపెట్టి వున్నాయి ఈ పుస్తకం నిండా.
పాటలే.. పాటల్.
బొట్ల బొట్ల చీర కట్టి మగ్గం ఆడిస్తూ కాపోడు అయిన తన బాయ్ ఫ్రెండ్ ను కలుసుకునేందుకు బోనగిరి వెళ్ళి అక్కడి నుంచి కాకినాడకు రైల్లో వెళ్ళి కలిసే ప్రియురాలి నోస్టాల్జిక్ బాట ఒక పాట.
తనతో నడిపే ప్రతి యవ్వారానికి ఒక రేటు పెట్టే ఒక జాణ పాటలో టారీఫ్ ని తారీఫ్ చేయకుండా ఎలా వింటాం?
నల్లది, పొట్టిది అయిన ఇంకో నల్ల పిల్ల(తమిళ అర్థంలో) -హమ్ కాలే హై తొ క్యా హువా దిల్ వాలే హై-అంటూ ఇంటికి ఇన్ వైట్ చేస్తుంది. ఎంటైస్ చేస్తుంది పాట పాడి...
బుర్రకథ, బాగోతాలు, కలుపు పాటలు, అలుపు రాకుండా రోకటి పాటలు, నిద్ర రాకుండా జాగారం పాటలు, కవ్వించే పాటలు, అణచుకున్న కోర్కెను మనసారా కైగట్టే పాటలు, పాటలే పాటలు... గాజులోడి పబ్లిసిటీ పాటలు, గాజుల కోసం పడిగాపులు కాసే అమ్మాయిల పాటలు...
ఓహ్ కృష్ణమూర్తీ నీ పాటల్....
ఆలస్యంగానయినా పాడుతున్న అరుదైన, అపురూపమైన పాటే ఈ పుస్తకం.
గ్రామాల గురించి మూల మూలనా మూరలతో కొలిచినట్టు, జాడలతో తూచి నట్టు ఈ 70+కృష్ణమూర్తి తన బాల్యం గురించి నిన్న అన్నంత తాజాగా స్వ్కేర్ ఫీట్ బై స్వ్కేర్ ఫీట్ కైకట్టడం రేర్ ఫీట్. ఇది పక్కా రెవెన్యూ వ్యూ. పల్లెల్లో కులాలు, వాటి కింది కులాలు, వాటి ఆశ్రిత కులాలు, వాళ్ళ పని విభజన. శ్రమకు విలువ చెల్లించే ఆచారాల్లాంటి బాధ్యతలూ... చిన్న చిన్న వివరాలు. చీకూ, చింతా, పస్తూ తెలియని బతుకుల పల్లె ఇంతలా తెలిసిన మాతృమూర్తి కృష్ణ మూర్తి.

ఆంధ్రా నుంచి వలస వచ్చిన ముస్లిం అమ్మాయి, పైగా పిల్ల తల్లి; ఆపై చెప్పేది ఝాన్సీ లక్ష్మి బాయి బుర్రకథ. ఆమె కథ చెప్తే అది మెగా సినిమానే. ఈమె గ్నాపకం కృష్ణమూర్తిని చాన్నాళ్ళు వెంటాడింది. ఆ పిల్ల అందం ఒక తియ్యని గ్నాపకం కృష్ణమూర్తికి.
ఇక కుడుముల పండుగకూ కుక్కల కడుపు నిండటానికీ వున్న సింబయాటిక్ సంబంధం ఒక కదిలించే గ్నాపకం. పదో తరగతి పిల్లల పైనే పోలీసు కేసుండే మరో గ్నాపకం. ఓహ్ ఏం కాలం.
బొగ్గు బస్సూ, నీడల తోలుబొమ్మలు ఆడించే బుడగ జంగాలు, ఉర్దూలో మూలికలు అమ్ముకునే వాడూ, అలా అమ్ముకోడానికి తెలుగులో తర్జుమా చేసేవాడూ. ఆ నడి రోడ్డుల దవాసాజ్ ఒక మధుర గ్నాపకం.
ఇంత మామూలు గ్నాపకాలు కూడా ఇంత బలాదూర్ గా బందిస్తాయని తెలియదు నాకు ఇంతక ముందు. కవితలు, కథలు, నవలలు ఎవరైనా రాస్తారు. కానీ, కానీకి కొరగాకుండా పోయాయనుకున్న ప్రతి గ్నాపకాన్నీ అద్భుతంగా రాసే నేర్పు తెలిసిన యువ రచయిత కృష్ణమూర్తికి పేరా పేరానా పడి పదివేల దండాలు.
ఈ ఊరు, ఈ వాడా, ఈ బతుకూ నాలో చెలరేపిన గ్నాపకాలెన్నో.

మూడో తరగతిలో ఆలూరులో ఆరుబయట రాత్రిపూట రెహమాన్ సర్కస్ చూసిన గ్నాపకం. టాకీస్ లో కృష్ణమూర్తిలా నాటక చూడలేక పోయాను. కానీ ఆలూరులో గోవర్థన టాకీసులో చూసిన సింహబలుడు నా తొలి సినిమా గ్నాపకం. కోడుమూరులో పరప్ప జిన్నుకు ఎదురుగా చేలలో తెల్లార్లూ ఆడిన చింతామణి నాటకం కొంచెం సేపే చూసి పడుకున్న గ్నాపకం. నాటకం అయిపోయిన మరుసటి రోజు మల్లె పూవులా మా ఇంట్లో తిరుగుతున్న బుర్రా సుబ్రహ్మణ్య శాస్త్ర్రిని చింతామణిగా పోల్చుకోలేని గ్నాపకం.
నేషనల్ పేనసోనిక్ టు ఇన్ వన్ లో తొలిసారి కుంతీ విలాపం పద్యాలు, వర విక్రమయంలో కాళింది, కమలల డైలాగులు, సిలోన్ నుంచి మీనాక్షి పొన్నుదురై, గౌరీ మునిరత్నం దయతలచి వినిపించిన పాటలు నా బాల్యపు గ్నాపకాలు.

మరాఠీలో మాట్లాడుకుని , కాఫీ అమ్ముకునే రంగ్రీజోళ్ళను ప్రస్తావిస్తాడు కృష్ణమూర్తి. మా కోడుమూరులో కూడా ఈ రంగ్రీజులుండే వారు. వాళ్ళను మేం రంగరాజులు అనే వాళ్ళం. ఈ కుటుంబాలు కూడా బట్టల వ్యాపారం చేసేవారు. కాఫీ అమ్ముకునే వారు. అయితే షోలాపూర్ నుంచి వచ్చిన వీళ్లను ఖత్రోళ్ళు, దగుడోళ్ళు అనికూడా అనే వాళ్ళం. వీళ్ళలో కొంత మంది కంసాలి పని చేసేవాళ్లు. ఇంకొంత మంది దర్జీ పని చేసే వాళ్ళు.

ఇక సైన్ బోర్డులు, అంగళ్ళమీద రాతలు, గోడల మీద ప్రకటనలు రాసే పెయింటర్ ఎం.హెచ్.కె గురించి కృష్ణ మూర్తి ఆప్యాయంగా రాస్తాడు. ఈ ఎం.హెచ్.కె ఎవరో నాకు తెలియదు. కానీ ఎం.హెచ్.కె లాగే సంతకం పెట్టిన మా మాస్టర్ వి.యకుమార్ నాకు గ్నాపకం వచ్చాడు చదువుతుంటే.

కర్నూలు జిల్లాలో మంత్రాలయం నుంచి శ్రీశైలం వరకు కనిపించే అన్ని సైన్ బోర్డులపైనా ధగధగ మెరిసిన పేరు బై మాస్టర్. మాస్టర్ కుంచె నుంచి ఏ కళాఖండాలూ జాలువారలేదు అప్పటి టాబ్లాయిడ్స్ లో రాసి వార్చేందుకు. మాస్టర్ అని సంతకం చేసే అతని పేరు విజయ్ కుమార్. అతను దళిత క్రిస్టియన్. మాల. టెలిఫోన్ ఎక్సేంజిలో ఆపరేటర్. మా శేషఫణి బాబాయికి బాల్యపు జిగిరి. మాస్టర్ మా జిల్లాలో ఎన్నో పెళ్ళిల్లను ఘనంగా, వైభవంగా, మధురంగా తీర్చి దిద్దిన ఫోటోగ్రాఫర్ కూడా. ఈ ప్రకాశ్ ఆర్ట్స్, ఇజ్రా బోర్డుల గుత్తాధిపత్యం, దాన్ని మింగేసిన ఫ్లెక్సీలు, వినైల్ షీట్లు రాకముందు మాస్టరే మెగాస్టార్ మా జిల్లాలో. దళితుడైనందుకు ఉద్యోగం చాలా సార్లు పోగొట్టుకున్నాడు. క్రైస్తవుడు అయినందుకు కర్నూలు జిల్లా క్రైస్తవ ఆస్తుల పరిరక్షణ కమిటి అనే వన్ మ్యాన్ ఆర్మీని కర్నూలు జిల్లా ఫ్యాక్షనిస్టులకు వ్యతిరేకంగా నడిపి అనేక సార్లు ప్రాణాలు పోగొట్టుకున్నంత పనిచేసుకున్నాడు. మాస్టర్ విజయ కుమార్ దగ్గర నేను స్క్రీన్ ప్రింటింగ్ నేర్చుకున్నాను.
మాస్టర్ సైన్ బోర్డులపై చేసే సంతకం వెనుక ఒక కత వుంది. తర్వాతే అది నాకూ తెలిసింది. బోర్డులపైన బై మాస్టర్ అని చేసే సంతకం లోపల ముగ్గురు కళాకారులు దాగి వున్నారు. ఒకరు మాస్టర్ విజయ్ కుమార్. రెండు- మాస్టర్ కి ప్రాణ నేస్తుడయిన గిడ్డయ్య. మూడు- మాస్టర్ తమ్ముడు సుకుమార్. రెండు సందర్భాలలో మాస్టర్ అన్న సంతకాన్ని విజయ్ కుమార్ కాకుండా తక్కిన ఇద్దరు చేసేవాళ్ళు.

సందర్భం-1
ఆర్డర్లు ఎక్కువై మాస్టర్ మరీ బిజీ అయిపోతే అతనికి ఆసరాగా ఆ బ్రాండ్ నీడను చల్లగా చూసుకునేవారు మిగతా ఇద్దరూ-ఎక్కువ సార్లు గిడ్డయ్య, అప్పుడప్పుడు సుకుమార్.

సందర్భం- 2
మాస్టర్ విజయ్ కుమార్ కు తరచూ ఉద్యోగం ఊడేది. లేదా ట్రాన్స్ఫర్ అయ్యేది. మాస్టర్ కు విపరీతమైన ఆత్మాభిమానం. పైగా ఆర్టిస్టు. ఆపై అనార్కిస్టు. చాలాసార్లు తనపై అధికారులను ఎస్సీ,ఎస్టీ అట్రాసిటీస్ యాక్టు కింద బుక్ చేసి కులం పేరుతో కుళ్ళు జోకులు పేలుస్తూ, బూతులు తిట్టే వాళ్ళకు చెక్ పెట్టేవాడు. ఉద్యోగం వదిలి కోర్టుల చుట్టూ తిరిగి కేసులు గెలిచి కాలర్ ఎగరేసేవాడు. ఉద్యోగం ఊడటానికీ, కాలర్ ఎగరేయడానికీ మధ్య కాలంలో మాస్టర్ మరేమీ చేసేవాడు కాదు. తన తరపు వాదించే పబ్లిక్ ప్రాసిక్యూటర్ కి తన కేసు ఎలా గెలవచ్చో, ఎందుకు గెలవాలో లాంటి విషయాల్లో తర్ఫీదు ఇస్తూ బైబిల్ కొటేషన్లను అవోకగా అరువు ఇచ్చేవాడు. సరిగ్గా ఇలాంటి క్రాప్ హాలిడేలో గిడ్డయ్య తన స్నేహాన్ని మాస్టర్ సంతకం పెట్టి చాటుకునేవాడు. అంత వరకూ అల్లరిగా తిరిగే సుకుమార్ కూడా ఇల్లు గడవడానికి మాస్టర్ కి ఘోస్టయ్యేవాడు.
మా జిల్లాలో సైన్ బోర్డుల్లో ఇప్పటికీ చెక్కు చెదరని సంతకం, వ్యక్తిత్వం- మా మాస్టర్ ది. కృష్ణమూర్తి గుర్తు చేసుకున్న ఎం.హెచ్.కె నాకు మాస్టర్ ని గుర్తుకు తెచ్చాడు. గ్నాపకాలు చెప్పుకునేందుకే కదా మనందరికీ ఒక నికార్సయిన సందర్భం కావాలి. అది ఇచ్చినందుకు కృష్ణమూర్తికి కృతగ్నతలు. అంతకు మించి ఇలా నా మాస్టర్ విజయ్ కుమార్ గురించి ఈ నాలుగు స్క్రీన్ ప్రింట్లు ఎక్స్పోజ్ చేసుకునేందుకు వెతుక్కోకుండానే ఒక మంచి సందర్భం ఇచ్చినందుకు కృష్ణమూర్తికి నమస్కారాలు.

ఈత రాని తన దోస్త్ రెహమాన్ ని దొరోరి బావిలో కృష్ణమూర్తి ఎలా కాపాడాడో చెప్పినప్పుడు నాదీ ఒక గ్నాపకం చెప్పాలనిపిస్తోంది. నేనూ, శశి, ఖదీర్, ఉమ, విష్ణు, చిట్టి బాబాయ్(సత్య శ్రీనివాస్) తారామతి బిరాదరిపైన గ్రూప్ డాన్స్ వేసి గండిపేట చెరువుకెళ్ళి టెమ్ట్ అయ్యి ఈతకు దిగాం. గండిపేటలో అక్కడ, అప్పుడు ఈత నిషేధం. ఈత రాని విష్ణు నీళ్ళలోకి దిగలేదు. రాకున్నా ఖదీర్, శశి, చిట్టి దిగి తడిసారు. వస్తుందని దిగిన ఉమకు నీళ్ళలోకి దిగిన వెంటనే తెలియని భయమేదో వేసి తడబడ్డాడు. అప్పుడే ఈత కొట్టి ఒడ్డుకు వచ్చాను నేను. అప్పటికే ఉమ నీళ్ళలో ఉక్కిరిబిక్కిరి అయి కసిబిసి అయిపోతుంటే అదంతా ఆట అనుకుని పెద్దగా స్పందిచలేదు ఒకే ఒక్క ఈతగాడినైన నేను. గండిపేటలో ఉన్నట్టుండి లోతు ఎక్కువవుతుంది. ఉమ మునిగి పోతున్నాడు. అరుస్తున్నాడు. అదంతా ఆటలో భాగమే అనుకున్నాం అప్పటికీ అందరం. గారడీ వాడు కత్తి సాము చేస్తూ పొరపాటున కత్తి నెత్తికి తగిలి తల తెగి పడినా చప్పట్లే కదా కొడతాం. అలాగే వుండింది మాకూ ఆ రెండు క్షణాలు. కాని విష్ణుకు విషయం అర్థం అయిపోయింది. నేను వెంటనే నీళ్ళలోకి దూకి ఉమను గడ్డకు తీసుకువచ్చాను. ఉమ ప్రాణాలు కాపాడి హీరోనయ్యాను. ఈ గ్నాపకాన్ని నాలో ట్రిగ్గర్ చేసింది కృష్ణమూర్తి ఫ్రెండ్ రెహమానే. ఇవన్నీ ఇక్కడ అప్రస్తుతమే అని అనిపించవచ్చు. కానీ ఇలాంటి గ్నాపకాలను తీసి పారేయలేం. చెరిపేయనూ లేం. గొప్ప మలుపులూ, మైలురాళ్ళూ కాకపోయినా ఇవన్నీ బతికిన క్షణాలే. ఈ ఎరుక తన పుస్తకమంతా పరిచిన కృష్ణమూర్తికి సవినయ సలాములు.

ఇక గాలి పతంగుల గ్నాపకం. ఓహ్! ఈత తర్వాత తలచుకుంటేనే నా అణువణువూ పుకించేది గాలిపటాలకే. ఒక్క కోడుమూరులో వున్నన్ని గాలిపటాలు మళ్ళీ నేనెక్కడా చూడ్లేదు. గాలి పటం అన్న పదం కర్నూలు టవున్లో కూడా ఏకవచనమే. అంతా ఒకే రకం. ఆకారం చతురస్రం. టెక్స్ట్ బుక్కుల్లో బుక్కయిన ఈ గాలిపట విశేషం పేరు మా కోడుమూరులో బుడ్దంగి. ఇదే కాక ఇంకా బుర్ బుర్ పటాకి, నక్షత్రం పటాకి, మనిషి పటాకి, చామంతి పటాకి, సూపర్ కాయితం పటాకి..... ఇవన్నీ ఎంతెంత పెద్దవో... ఎంతెంత ఎత్తుల్లో ఎగిరేవో. వీటికి సరిపడా తోకలు కట్టడం, ఎగిరేందుకు చక్కని సూత్రాలు వేయడం ఒక సైన్స్... ఒక కళ. అందకే గాలిపటానికి బహువచనంలా వుండేది మా కోడుమూరు ఆకాశం. అదీ సంక్రాంతి ముందు. ఎక్కడా మాంజా అన్న మాట కానీ , కటీ అన్న పదం కానీ తెలియని స్వచ్ఛమైన గాలిపటాల ప్రదర్శన కోడుమూరు. పరుల గాలిపటాలను కటీ చేసి చప్పట్లూ, కేరింతలూ కొట్టడం కోడుమూరుకు తెలియదు. నేను చూడనూ లేదు. ఎగరేసిన గాలి పటానికి క్యాండిల్ కట్టి పైకి పంపించి ,రాత్రంతా గుంజకు కట్టేసి పొద్దునే పళ్ళు కూడా తోముకోకుండా ఇష్టమైన నేస్తం ముఖం చూసినట్లు మురిసిపోవడం ఒక్కటే తెలుసు మాకు. గాలిపటాలు అవంతటవే ఏ అవాంతరమో సాంకేతిక లోపమో వచ్చి తెగిపోవాల్సిందే. తెంపడం తెలియని బాల్యం అది. అలా తెగిపోయిన గాలిపటాలన్నీ మా సద్ద సేన్లో దొరుకుతాయి. అందమైన వేర్వేరు ఆకారాల్లో సగర్వంగా, సమున్నతంగా గాలిపటాలను ఎగురవేసేది ఎక్కువగా నేసోళ్ళే. అయితే మేదరోళ్ళ దగ్గర ఎలాంటి బొంగు బద్దలు తెచ్చుకోవాలి, వాటిని ఎలా కోయాలి, ఎలా కట్టాలి, ఎలా కాయితాలు మూయాలి, ఎలాంటి సూత్రమేసి బుర్ బుర్ మనిపించాలి అన్న మర్మాలను నాకు నేర్పింది మాత్రం మా నాయనే. నేసోళ్ళ గాలిపటాల నైపుణ్యానికి సవాల్ గా వుండేది మా నాన్న పనితనం.

ఈ పుస్తకం ఒక మంచి village ethnography study కి మంచి నమూనా. కేంద్రీకృతకం అయిపోయిన విశ్వవిద్యాలయాల్లోని ఏ కల్చరల్ ఆంత్రొపాలజీ విభాగంలోని ఏ ఎం.ఎన్.శ్రీనివాసన్ లాంటి బోధకులకూ బోధపడని, తెలియని రాత పద్ధతి కృష్ణమూర్తిది. గోల్డు మెడలల్లో వేసుకునే ఆ విద్యార్థులు పొందాల్సిన తక్షణ తర్ఫీదు ఇదీ. టేకింగ్ సైడ్స్ల్ లో చాలా dispassionate గా వుంటూనే చెప్పే పద్ధతిలో విపరీతమైన passion కురిపిస్తాడు కృష్ణమూర్తి. Anthropology లోని observer-participant method కు applied అచ్చుపోత ఈ రచన. మహా ఘటనలను కూడా చాలా మామూలుగా matter-of-fact గాచెప్పి పాఠకులకూ. ఘటనకూ మధ్యవర్తిత్వం, సూత్రధారకత్వం (ఒక ఎరుకతో) మానిన అరుదైన రచనా శైలి ఇది. పాఠకుడికి ఎలాంటి దిశానిర్దేశం అవసరం లేదిలాంటి చారిత్రక జీవిత ఘటనా సమాహారాన్ని చెప్పుకొచ్చేటపుడు. పాఠకులు వట్టి చవట దద్దమ్మలనుకునే మేధావి రచయితలకు నివాళి ఈ శైలి. ప్రతి వచనం పుస్తకం నిండా తాజాగా, చాలా నేల బారుగా, నిటారుగా, సాదాసీదాగా కృష్ణమూర్తిలా పాండిత్యంతో ఎలాంటి దుప్పటి పంచాయితీలు లేకుండా సాగిపోతుంది. మాట అలవోకగా కదులుతుంది.
ఇది రచయితకు రమారమి 19 ఏళ్ళు నిండినపుడు ఆగిపోయే గ్నాపకాల కదంబం. అసలు 19 ఏళ్ళకు ఇంత విస్తారమైన జీవితం, అనుభవం, విపులమైన గ్నాపకం ఎలా సాధ్యం? ఎవరైనా ఎలా వడుకుతారిలా?

కొన్ని గ్నాపకాలు మరిచిపోవడానికి గుప్పెడు గుళికల్ని మింగుతుంటాం. ఇంకోసారి గుర్తు తెచ్చుకోడానికి పిడికెడు గ్నాపకాలు కూడా మిగిలి వుండవు వెనక్కి చూసుకుంటే. కొన్నింటిని రబ్బరు పెట్టి అదేపనిగా చెరిపేసుకోవాలనీ అనుకుంటుంటాం. మరి కొన్నింటిని ఆల్కహాలిక్ డిమెన్షియాలో, ఏజింగ్ అమ్నీషియాలో, అల్జమీర్ రోగాలో, ఏ గాలో మింగేస్తున్న ఈ కాలంలో ఇసుకలో మేలు రకం రేణువులను పోట్చుకోగల నిపుణతతో గతాన్ని సైకత శిల్పంగా మలిచే ఈ మెలకువ ఎప్పటికొస్తుందో నా మటుకు నాకు.
కతకూ, నవలికకూ, నవలకూ- అసలు మనకు తెలిసిన సకల కాల్పనిక రచనా స్వరూపాలకూ అంతుపట్టని , లొంగని ఇట్లాంటి పోగులు పెట్టే సృజన శైలులకు మనం నిజంగా రుణపడి వుంటాం కథా.

తన బ్లాగులో రాసుకున్న ఈ సమీక్షను పునర్ముద్రించేందుకు అనుమతించిన అనంత్ గారికి కృతజ్ఞతలు. వారి ఇతర రచనలకోసం ...ఇక్కడ ... క్లిక్ చేయండి )

http://anantamu.blogspot.com/2011/09/blog-post_26.html

ఊరు వాడ బతుకు ఈ పుస్తకం గా కూడా లబిస్తుంది. ఈ పుస్తకం కోసం ... ఇక్కడ ... క్లిక్ చేయండి

ఊరు వాడ బతుకు
- దేవులపల్లి కృష్ణమూర్తి
ముఖచిత్రం, బొమ్మలు : లక్ష్మణ్‌ ఏలే
మొదటి ముద్రణ: మే 2009
136 పేజీలు, వెల: రూ.40
..

ప్రతులకు:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌ - 500 067
ఫోన్‌ : 040 2352 1849
ఇ మెయిల్‌ ఐడి: hyderabadbooktrust@gmail.com

..

మనుషులు చేసిన దేవుళ్ళు ఈ పుస్తకం వెలువడింది !

2011-09-28T06:00:00.006+05:30

గత నెలలోనే ప్రచురించబడ్డ కొడవటి గంటి రోహిణీ ప్రసాద్ "మనుషులు చేసిన దేవుళ్ళు"
ఇప్పుడు ఈ పుస్తకం గా కూడా లభిస్తోంది.
వివరాల కోసం దిగువ టైటిల్ పై క్లిక్ చేయండి:

"మనుషులు చేసిన దేవుళ్ళు"

..

ప్రపంచ వ్యాప్త తెలుగు పాఠకుల కోసం మరో రెండు హెచ్ బీ టీ "ఇ- పుస్తకాలు"

2011-09-27T05:47:00.010+05:30

ఇప్పటికే అందుబాటులో వున్న
"ఊరు వాడ బతుకు",
"నేనే బలాన్ని- టిఎన్ సదాలక్ష్మి బతుకు కథ"
ఇ పుస్తకాలకు తోడు కినిగె డాట్ కాం వారి ద్వారా
మరో రెండు హెచ్ బీ టీ ఇ పుస్తకాలు
అందుబాటులోకి వచ్చాయని తెలియజేయడానికి సంతోషిస్తున్నాం .
(ఈ పుస్తకాల శీర్షికలపై క్లిక్ చేసి నేరుగా ఈ పుస్తకం వివరాలు చూడవచ్చు. )
అవి :
ఘంటారావం (అలేగ్జాందర్ ద్యుమా రచన)
అజేయుడు (విక్టర్ హ్యూగో రచన)
ఈ పుస్తకాల కోసం... " కినిగే డాట్ కాం "...వెబ్సైట్ ని సందర్శించండి
http://kinige.com/

అస్తిత్వ పోరాటం

2011-09-26T07:20:00.003+05:30

అస్తిత్వ పోరాటం

''అడుగడుగునా నాకు చరిత్ర ఉన్నది'' ... ఇలా చాటుకోవటానికి ఎవరికైనా గుండెధైర్యం కావాలి. అంతకు మించిన పోరాట నేపథ్యం ఉండాలి. ఆ రెండూ పుష్కలంగా ఉన్నాయి కాబట్టే టి.ఎన్‌. సదాలక్ష్మి తన జీవన ప్రస్థానం గురించి అ లా వ్యాఖ్యానించుకోగలిగారు. ఒక దళిత కుటుంబంలో ... అదీ మరుగుదొడ్లు శుభ్రం చేసే 'మెహతర్‌' కులంలో పుట్టి, స్వాతంత్య్రపు తొలిదినాల్లోనే పురుషాధిక్య రాజకీయరంగంలోకి ప్రవేశించారంటేనే ఆమె ఎంత సాహసవంతురాలో అర్థమవుతుంది. పైగా అడుగడుగునా లింగ, వర్ణ వివక్షను ఎదుర్కొంటూ ఆంధ్రప్రదేశ్‌ మంత్రిమండలిలో స్థానం సంపాదించటమంటే మాటలు కాదు. డిప్యూటీ స్పీకర్‌ స్థానాన్ని అధిరోహించి మహిళాశక్తికి ప్రతీకగా నిలిచిన ఆమె జీవితం ఆద్యంతం స్ఫూర్తిదాయకం. ఆ మహోన్నత దళిత నాయకురాలి జీవితకథకు రచయిత్రి గోగు శ్యామల ''నేనే బలాన్ని'' పేరుతో అక్షరరూపం ఇచ్చారు.
- పున్న సుదర్శన్‌

ఈనాడు ఆదివారం (25 సెప్టెంబర్‌ 2011) సౌజన్యంతో

మనుషులు చేసిన దేవుళ్లు - కొడవటిగంటి రోహిణీప్రసాద్‌

2011-09-17T16:43:00.003+05:30

మనుషులు చేసిన దేవుళ్లు - కొడవటిగంటి రోహిణీప్రసాద్‌

మత విశ్వాసాల ద్వారా సమకూరే ఉపయోగాలేవీ 'ఇన్‌హేలర్ల' స్థాయిని మించవు. వాటివల్ల వ్యక్తిగత ఆరోగ్యానికి గానీ, సమాజపు ఆరోగ్యానికి గానీ పట్టిన 'జలుబు' ఎంతమాత్రమూ తగ్గదు. పైగా వాటి 'సైడ్‌ఎఫెక్ట్స్‌' చాలా ప్రమాదకరమైనవి.

వ్యక్తిగతంగా నిరపాయకరంగా అనిపించే నమ్మకాలు సామూహికంగా ఎంత ప్రమాదకరంగా పరిణమిస్తాయో రోజూ ప్రపంచమంతటా జరుగుతున్న మతహింస నిరూపిస్తూనే వుంది.

ప్రాణులను సృష్టించినది దేవుడనే భావన మానవజాతి చరిత్రలో ఒక దశలో తలెత్తిన తప్పుడు నమ్మకం. మతాన్ని నమ్మడమంటే సుఖసంతోషాలూ, భద్రతాభావమూ కరువైన ప్రపంచంలో వాటిని వెతుక్కునేందుకు చేసే వ్యర్థ ప్రయత్నమే.

ఈనాటి సామాన్యుల జీవితాల్లోని సామాజిక ఆర్థిక అనిశ్చితస్థితి వారిని మరింత అయోమయానికీ, గుడ్డి నమ్మకాలకూ గురిచేస్తోందనడంలో సందేహం లేదు. ఇది కొందరి వ్యక్తిగత నమ్మకమూ, బలహీనతా కాదు.

దేవుడున్నాడని వాదించేవారికి సమాధానం చెప్పాలంటే దేవుడులేడని వాదిస్తే సరిపోదు. వారికి ఆ అపోహ ఎప్పుడు, ఎందుకు, ఎలా కలిగిందో కూడా చెప్పాలి.''

మతం అనే భావన ఎప్పుడు ఎలా పురుడుపోసుకుంది?
మతానికి గల చారిత్రక, సామాజిక, మానసికమైన మూలాలు ఎక్కడున్నాయి?
మతాల నేపథ్యం లాభనష్టాల గురించి విస్తృత అధ్యయనంతో వైజ్ఞానికంగా లోతుగా విశ్లేషించే రచన ఇది.

రచయిత: కొడవటిగంటి రోహిణీప్రసాద్‌
జననం: మద్రాసులో 1949లో
విద్యాభ్యాసం: మద్రాసు, ఆంధ్ర, ముంబయి విశ్వవిద్యాలయాల్లో
అణుభౌతికశాస్త్రంలో పి.హెచ్‌డి.
ఉద్యోగం: మొదట బాబా అణుకేంద్రంలో, ప్రస్తుతం ఇ.సి.ఐ.ఎల్‌.లో.
అభిరుచులు: శాస్త్రీయ సంగీతం, జనరంజక విజ్ఞాన రచనల్లో ఆసక్తి, అభినివేశం.
ఇతర రచనలు: జీవశాస్త్ర విజ్ఞానం, సమాజం (జనసాహితి), విశ్వాంతరాళం, మానవ పరిణామం, జీవకణాలూ, నాడీ కణాలూ (స్వేచ్ఛా సాహితి)
కొడవటిగంటి రోహిణీ ప్రసాద్ గారి బ్లాగును "ఇక్కడ" సందర్శించండి :
http://rohiniprasadkscience.blogspot.com

మనుషులు చేసిన దేవుళ్లు
కొడవటిగంటి రోహిణీప్రసాద్‌
196 పేజీలు, వెల: రూ.100/-
తొలి ముద్రణ: ఆగస్ట్‌, 2011

ప్రతులకు:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌ - 500 067
ఫోన్‌ : 040 2352 1849
ఇ మెయిల్‌ ఐడి: hyderabadbooktrust@gmail.com

ఐ యామ్‌ లెజెండ్‌ - నేనే బలాన్ని

2011-08-25T18:55:00.003+05:30

ఐ యామ్‌ లెజెండ్‌

మరుగుదొడ్లు సాపు చేసే మెహతర్‌ కులంలో పుట్టి- దేవుళ్లను, దేవుళ్ల ఆస్తులను సంరక్షించే మంత్రిత్వ శాఖను నిర్వహించే స్థాయికి ఎదిగిన టి.ఎన్‌.సదాలక్ష్మి - ప్రజాస్వామ్య వ్యవస్థ అసలు సిసలైన గొప్ప స్పూర్తికి నిదర్శనం.
ఎందరో నాయకులను నిగ్గదీస్తూ,
అన్యాయాలను ఎదుర్కొంటూ,
నిత్యం న్యాయం వైపే నిలబడుతూ, ఎక్కడా రాజీపడకుండా బతికిన మనిషి సదాలక్ష్మి.
ఒక స్త్రీగా,
మాదిగగా,
తెలంగాణా వాదిగా...
ఎన్నింటికి ఎదురీది ఆమె గొప్ప నాయకురాలిగా,
మంచి నాయకురాలిగా పేరుతెచ్చుకుందో తెలిస్తే ఆశ్చర్యం వేస్తుంది.

అందుకే ''అడుగడుగునా నాకు చరిత్ర వుంది'' అని అంత ఆత్మవిశ్వాసంతో చెప్పగలిగిందామె.
ఆమె జీవిత చరిత్రనుంచి కొన్ని ఆసక్తికరమైన భాగాలు మీకోసం ...

చూడండి: ఈరోజు (25 ఆగస్ట్‌ 2011) ఆంధ్రజ్యోతి దినపత్రిక - నవ్య పేజీ (ఈ కింది లింక్‌)లో ప్రచురించబడ్డ కథనం..

ఐ యామ్‌ లెజెండ్‌ - నేనే బలాన్ని - ఆంధ్ర జ్యోతి

ప్రపంచ వ్యాప్తంగా వున్న తెలుగు పుస్తకాభిమానులకు శుభవార్త:

2011-08-20T05:43:00.006+05:30

హైదరాబాద్‌ బుక్‌ ట్రస్ట్‌ ప్రచురించిన పుస్తకాలు ఇకనుంచి 'కినిగె డాట్‌ కామ్‌'లో 'ఇ బుక్స్‌'గా లభిస్తాయి.
మా తొలి తెలుగు ఇ బుక్‌: "నేనే బలాన్ని"

ప్రపంచ వ్యాప్తంగా వున్న మా అభిమానులకు హెచ్‌బీటీ పుస్తకాలను కినిగె డాట్‌ కామ్‌' వారి సహకారంతో ఇ బుక్స్‌' రూపంలో అందించాలని సంకల్పించాము. హెచ్‌బిటీ ఇటీవలే ప్రచురించిన గోగు శ్యామల రచించిన ''నేనే బలాన్ని-టిఎన్‌ సదాలక్ష్మి బతుకు కథ'' మా తొలి తెలుగు ఈ పుస్తకంగా ఇప్పటికే కినిగె డాట్‌ కామ్‌ లో అందుబాటులోకి వచ్చింది.

ఈ పుస్తకం కోసం దిగువ లింక్‌పై క్లిక్‌ చేయండి:
''నేనే బలాన్ని ఇ బుక్‌''

మా రెండో ఈ బుక్ : "ఊరు వాడ బతుకు"

అదేవిధంగా దేవులపల్లి కృష్ణమూర్తి రచించిన మరో విశిష్టమైన బతుకు పుస్తకం ''ఊరు వాడ బతుకు'' కూడా మా రెండో ''ఇ బుక్‌'' గా లభిస్తోంది. మా పుస్తకాలన్నింటినీ క్రమంగా ''ఇ బుక్స్‌'' రూపంలో అందరికీ అందుబాటులోకి తీసుకురావడం జరుగుతుంది.

ఊరు వాడ బతుకు "ఇ పుస్తకం" కోసం దిగువ లింక్‌పై క్లిక్‌ చేయండి.
''ఊరువాడ బతుకు ఇ బుక్‌''

మంచి పుస్తకాలను ఆదరించండి. మా ప్రయత్నాన్ని విజయవంతం చేయండి.

కినిగే వారి వెబ్ చిరునామా: http://kinige.com

.

తొలి దళిత మహిళా శాసన సభ్యురాలు, మంత్రి శ్రీమతి టి.ఎన్‌.సదాలక్ష్మి బతుకు కథ: ''నేనే బలాన్ని''

2011-08-16T22:20:00.003+05:30

సికింద్రాబాద్‌ బొల్లారంలోని మెహతర్‌ బస్తీలో అట్టడుగు మాదిగ ఉపకులమైన మరుగుదొడ్లు సాపు చేసే మెహతర్‌ వృత్తి కులంలో పుట్టి ఏటికి ఎదురీదుతూ అక్కడి నుంచే రాష్ట్ర శాసన సభలో ప్రవేశించి, మంత్రి స్థాయికి ఎదిగిన ధీరోదాత్త వ్యక్తిత్వం శ్రీమతి టి.ఎన్‌.సదాలక్ష్మిది. భారతదేశంలో 1952లో ప్రప్రథమంగా జరిగిన సార్వత్రిక ఎన్నికలలో రిజర్వుడు అభ్యర్థిగా నిలబడి కమ్యూనిస్టు ప్రభంజనాన్ని ఎదుర్కొని రాష్ట్ర శాసన సభకు ఎన్నికయ్యారు. డిప్యూటీ స్పీకర్‌, సాంఘిక సంక్షేమ శాఖా మంత్రి, దేవాదాయ శాఖా మంత్రి వంటి అనేక బాధ్యతలను నిర్వహించారు. దేవాదాయ శాఖను నిర్వహించిన తొలి మాదిగ మహిళామంత్రిగా పేరు గడించడమే కాకుండా ఆయా శాఖలపై తనదైన బలమైన ముద్ర వేశారు.

1969 నాటి ప్రత్యేక తెలంగాణా ఉద్యమానికి మూలస్తంభంగా వున్నారు. తెలంగాణా ప్రజా సమితి (టిపిఎస్‌) అధ్యక్షురాలిగా ఆ ఉద్యమాన్ని ముందుకు నడిపించారు. మాదిగ హక్కుల కోసం, ఎబిసిడి వర్గీకరణ కోసం పోరాడుతూ దండోరా ఉద్యమానికి బీజం వేశారు. మాదిగ వర్గీకరణ అన్నది వీరి ఆలోచనే. దండోరా ఉద్యమానికి రాజకీయ రంగు రావద్దొన్న ఉద్దేశంతో తను వెనకుండి మంద కష్ణ మాదిగ, కృపాకర్‌ మాదిగలను ముందుంచి ఉద్యమాన్ని నిర్మించారు.

నేర పూరిత రాజకీయ వ్యవస్థకు ప్రత్యామ్నాయంగా సాగిన శ్రీమతి సదాలక్ష్మి కృషి మీడియాలో పెద్దగా ఫోకస్‌ కాలేదు. ఇంటా బయటా హిందూ బ్రాహ్మణీయ వర్ణ, పితృస్వామ్య నియంత్రణలను ధిక్కరించి... నిజమైన సాధికారతతో దళిత స్త్రీశక్తిని చాటిచెప్పిన వీరి పాత్ర చరిత్రలో మరుగుపరచబడింది. అందుకే అడుగడుగునా ''నాకు చరిత్ర వున్నదని'' తనే బలంగా ఎలుగెత్తి ప్రకటించారు.

టి.ఎస్‌. సదాలక్ష్మి జీవితం ఈ నాటి మహిళలందరికీ ఆదర్శప్రాయం. ఉద్యమాల్లో, ఉద్యోగాల్లో రాజకీయాల్లో స్త్రీ పురుషులకు... ముఖ్యంగా సాధికారతలో వెనుకబడ్డ ఎంతోమంది మహిళలకు సదాలక్ష్మి జీవితం బతుకు తొవ్వను చూపిస్తుంది.

ఈ పుస్తక రచయిత్రి గోగు శ్యామల గొంతు ప్రత్యేకమైనది. పది సంవత్సరాల క్రితం కథలు రాయటం మొదలుపెట్టిన శ్యామల తన రచనల్లో దళిత సమాజంలో బాల్యం, దళిత స్త్రీలు భూమికోసం పడే తపన, దళిత కుటుంబాలలో, సమూహాలలోని ప్రజాస్వామిక తత్వం, దళిత సబ్బండ కుల సంబంధాలు, మాదిగ అస్తిత్వం, మాదిగ ఉపకులాల అస్తిత్వాలను కొత్త దృక్పథంలో చూపిస్తూ వచ్చారు. ఆమె రచనల్లో దళితులు పీడిత అస్తిత్వంతో కాక, తమ జీవితం, ఇప్పటి ప్రపంచం, దానిలో రావలసిన మార్పుల గురించి తదేకంగా ఆలోచించే తాత్విక దృక్పథం కలవారిగా కనిపిస్తారు. అనేక
సాహితీ పురస్కారాలు అందుకున్న శ్యామల మొదటి పుస్తకం ''నల్లపొద్దు.'' ఆ తరువాత ''నల్లరేగడి సాల్లు'', ''ఎల్లమ్మలు'' పుస్తకాలు ఆమె సంపాదకత్వంలో వెలువడ్డాయి. ''ఎడ్యుసెంట్‌'' అనే దళితుల విద్యపై పనిచేసే సంస్థను స్థాపించి, 'అందరికీ విద్య' అనే మాసపత్రికను నడుపుతున్నారు. అనేక సంస్థలలో, సాహితీ వేదికలలో క్రియాశీలంగా పాల్గొంటున్నారు. ప్రస్తుతం ''అన్వేషి'' సంస్థలో సీనియర్‌ ఫెలోగా పనిచేస్తున్నారు. ఇందులో భాగంగానే సదాలక్ష్మి బతుకు కథను రాశారు.

నేనే బలాన్ని - టి.ఎన్‌. సదాలక్ష్మి బతుకు కథ
రచన: గోగు శ్యామల
పేజీలు: 338, వెల: రూ.180/-

ప్రతులకు:
హైదరాబాద్‌ బుక్‌ ట్రస్ట్‌
ప్లాట్‌ నెం.85, బాలాజీ నగర్‌,
గుడిమల్కాపూర్‌, హైదరాబాద్‌ - 500067
ఫోన్‌ నెం. 040 23521849
ఇ మెయిల్‌: hyderabadbooktrust@gmail.com

...

సహవాసి గారు అనువదించిన "ఏడు తరాలు" ( అలెక్స్ హేలీ "ద రూట్స్" ) పుస్తకం పై "నెమలి కన్ను" బ్లాగు సమీక్ష

2011-07-15T08:47:00.001+05:30

ఏడు తరాలు

పుస్తకాలు కేవలంవిజ్ఞానాన్నీ, వినోదాన్నీపంచి ఊరుకోవు. అవి మనల్ని ప్రభావితం చేస్తాయి కూడా. అలా నన్ను ప్రభావితం చేసినఒకానొక పుస్తకం 'ఏడు తరాలు.' ఎలెక్స్ హెలీ ఆంగ్ల నవల 'రూట్స్' కి సహవాసి చేసిన సరళమైన తెలుగు అనువాదం.విజేతలే చరిత్రలు రాశారు, రాస్తారు.ఇది సామాన్యంగా జరిగే విషయం. ఎందుకంటే పరాజయాలు చెప్పుకోగలిగే విషయాలుగా అటుపరాజితులకీ, ఇటు సమాజానికేకూడా అనిపించవు కాబట్టి. కానీ, ఈ ఆనవాయితీని బద్దలు కొట్టిన వాడు హెలీ.

'ఏడు తరాలు' బానిసల కథ. కేవలం తమ అమాయకత్వం కారణంగా,చీకటి ఖండం ఆఫ్రికా నుంచి అమెరికాకిబానిసలుగా తీసుకురాబడ్డ దురదృష్టవంతుల కథ. పచ్చటి ఆఫ్రికాపల్లెల్లో, తమవైన సంస్కృతీ సంప్రదాయాల మధ్యన, ఆటపాటలతో జీవితం గడుపుతున్న ఆఫ్రికా వాసులని,వలవేసి పట్టుకుని, బంధించి, రోజుల తరబడి గాలైనా సోకని ఓడలలో తమ దేశానికి రవాణా చేసి, నడిబజార్లో వాళ్ళని వేలం వేసిన అమెరికన్ల కథ.

క్రీస్తుశకం 1750లో పడమటి ఆఫ్రికా లో గాంబియాసమీపంలోని జపూరు అనే పల్లెటూళ్ళో ఉమరో-బింటా దంపతులకి నేరేడు పండులానిగనిగలాడే 'కుంటా' అనే కొడుకు పుట్టడం కథా ప్రారంభం. ఆఫ్రికా పల్లెలసౌందర్యాన్నీ, సమస్యలనీ,ప్రకృతి వైపరీత్యాలనీ పరిచయంచేస్తూనే, అక్కడి జీవనవిధానాన్నీ కళ్ళ ముందుంచుతారు రచయిత. ముఖ్యంగా పిల్లల పెంపకం, పనిపాటలతో పాటు రాయడం, చదవడం నేర్పించడం, మగ పిల్లలని ప్రత్యేకమైన 'పురుష' శిక్షణ కోసం పంపించడం ఇవన్నీ పాఠకులని ఆశ్చర్యపరుస్తాయి.

కుంటా తమ పల్లెదగ్గరలో ఉన్న అడవిలో పురుష శిక్షణ పూర్తి చేసుకుని యువకుడి గ్రామానికితిరిగి వచ్చాక, అతనికి వేరేఇల్లు కట్టించి అక్కడికి పంపేస్తారు తల్లిదండ్రులు. అడవుల్లో తిరిగేటప్పుడు 'తెల్లోడి' బారిన పడకుండా ఎలా తప్పించుకోవాలో కొడుక్కి వివరంగా చెబుతాడుఉమరో. తడిసిన కోడి మాంసం వాసన వచ్చిందంటే దగ్గరలో తెల్లోడు ఉన్నట్టేననీ, వాడి అడుగులు బరువుగా పడతాయనీ, ఆకుల్ని తుంపుతూ పోతాడనీ.. ఇలా ఎన్నోఆనుపానులు విశదంగా చెబుతాడు.

మంచెమీద కూర్చునిరాత్రంతా పొలం కావలి కాస్తూ, యవ్వనసహజమైన కోర్కెలతో భావి సంసారజీవితాన్ని గురించి మేల్కొనే కలలు కంటూ నిద్రకుదూరమైన కుంటా, మర్నాడు ఉదయాన్నేతమ్ముడికి మృదంగం చేసి ఇవ్వడం కోసం నాణ్యమైన దుంగ కోసం అడవికి వెళ్లిఏమరుపాటున తెల్లోడికి చిక్కుతాడు. అక్కడినుంచి అతని కష్టాలు ప్రారంభం.దెబ్బలతో స్పృహ తప్పించి తీసుకెళ్ళిన తెల్లోళ్ళు, కుంటాని ఒక ఓడలో గొలుసుతో బంధిస్తారు. ఆ ఓడ నిండావందలాది ఆఫ్రికావాసులే.

దుర్భరమైన ప్రయాణం తర్వాతతీరం చేరుతుంది ఓడ. వేలంలో కుంటాని కొనుక్కున్న యజమాని అతనికి 'టోబీ' అని పేరు పెట్టి తనతో తీసుకెళ్ళి పోతాడు. చేతులుమారిన కుంటా వర్జీనియాలో 'నిగ్గరు' (బానిస) గా స్థిరపడతాడు. పారిపోడానికి ఎన్నో ప్రయత్నాలుచేస్తాడు. అవన్నీ విఫలమవుతాయి. తన ప్రయత్నానికి శిక్షగా కాలు కోల్పోతాడు.నలభయ్యేళ్ళ వయసులో తోటి నిగ్గరు బెల్ ని పెళ్లి చేసుకుని 'కిజ్జీ' కి తండ్రవుతాడు. కూతురికి జ్ఞానం రాగానే, దగ్గర కూర్చోబెట్టుకుని జపూరు గురించీ,తన బాల్యాన్ని గురించీ, తను బానిసగా వచ్చిన వైనాన్ని గురించీ వివరంగాచెప్పడంతో పాటు తన భాషనీ నేర్పుతాడు.

ఈ కథ పరంపరాగతంగాప్రతీ తరమూ తన తర్వాతి తరానికి చెప్పడం ద్వారా, ఎనిమిదో తరం వాడైన ఎలెక్స్ హెలీకి చేరడం, అతడు చాలా పరిశోధన చేసి 688 పేజీల ఆంగ్ల నవలగా తీసుకురావడం తర్వాతి కథ. ఈ ఆంగ్లనవల సారాన్ని క్లుప్తంగా, సరళంగా తెనిగీకరించారు 'సహవాసి' గా పేరొందిన జంపాల ఉమామహేశ్వర రావు. (నాకు కొద్దిపాటిపరిచయం ఉంది అని చెప్పుకోడానికి గర్వ పడే వ్యక్తుల్లో ఒకరీయన). తనకి మరికొంచంవివరంగా రాయాలని ఉన్నా, ప్రకాశకులకోరిక మేరకే బాగా క్లుప్తీకరించాల్సి వచ్చిందని ఆదివారం ఆంధ్రజ్యోతి 'ఫెయిల్యూర్ స్టోరీ' కి ఇచ్చిన ఇంటర్యూ (బహుశా ఆయన చివరి ఇంటర్యూ) లో చెప్పారు.

జపూరు నాగరికత,తరాల పాటు కొనసాగిన అంచె డప్పులవ్యవస్థ మొదలుకొని, విముక్తి కోసం కుంటా పడేతపన, తన సంస్కృతీసంప్రదాయాలని నిలబెట్టుకోవడం కోసం పడే తాపత్రయం వెంటాడతాయి. అంతేనా? నిగ్గర్ల కష్టాలు, యజమానుల కారణంగా వాళ్ళు పడే హింస,ఒకరితో ఒకరు కనీసం మాట్లాడుకోలేనిఅసహాయత, యజమానుల మెప్పు కోసం చేసే వృధాప్రయత్నాలు ఇవన్నీ కలుక్కుమనిపిస్తాయి. ఒక్క క్షణం ఏమరుపాటు కారణంగా తమజీవితాలనే మూల్యంగా చెల్లించిన వాళ్ళు వాళ్ళంతా. అంతే కాదు, ప్రపంచానికి నాగరికత నేర్పాననినిస్సిగ్గుగా చెప్పుకునే దేశం చేసిన అనాగరిక పనికి ప్రత్యక్ష సాక్ష్యాలు కూడా.

తరచి చదవగలిగితేఎన్నో జీవిత సత్యాలని విప్పి చెబుతుందీ నవల. ఒక్కో పాత్రనుంచీ నేర్చుకోగలిగిందిఎంతైనా ఉంది. సహవాసి రాసిన ఎన్నో చిన్న వాక్యాలు పదే పదే వెంటాడతాయి.ఆలోచనల్లో పడేస్తాయి. ప్రతి ఒక్కరూ చదవాల్సిన, చదివించాల్సిన ఈ నవలని హైదరాబాద్ బుక్ ట్రస్ట్ ప్రచురించింది.

(ఈ సమీక్షను మా బ్లాగులో పొందుపరచుకునేందుకు అనుమతించిన మురళి గారికి ధన్యవాదాలు. వీక్షకుల స్పందనలకోసం నెమలి కన్ను బ్లాగును సందర్శించండి.: )

http://nemalikannu.blogspot.com/2011/07/blog-post_11.html